ହାଇଦ୍ରାବାଦ: ୟୋ ୟୋ ହନି ସିଂହଙ୍କ ଗୀତର ସମସ୍ତେ ଦିୱାନା । ତାଙ୍କ ଗୀତ ଦର୍ଶକଙ୍କୁ ଖୁବ ପସନ୍ଦ ଆସିଥାଏ । ମାତ୍ର ବଲିଉଡରେ ହନି ସିଂହ ଏବେ କମ ନଜର ଆସୁଛନ୍ତି । ଶେଷ ଥର ପାଇଁ ମଖନା ଗୀତରେ ନଜର ଆସିଥିଲେ । ଏହି ଗୀତ ଦର୍ଶକଙ୍କୁ ଖୁବ ପସନ୍ଦ କରିଥିଲେ । ଗୀତଟି ବ୍ଲକବଷ୍ଟର ମଧ୍ୟ ହୋଇଥିଲା । ମାତ୍ର ଦୀର୍ଘ 7 ମାସପରେ ଏହାକୁ ନେଇ ବିବାଦ ଦେଖାଦେଇଛି । ପଞ୍ଜାବ ରାଜ୍ୟ ମହିଳା ଆୟୋଗ କରିଛି ଅଭିଯୋଗ ।
ଆୟୋଗର ମୁଖ୍ୟ ମନୀଷା ଗୁଲାଟି ଅଭିଯୋଗ ଆକାରରେ ଏକ ଚିଠି ଲେଖିଥିଲେ । ଗୀତରେ ମହିଳାଙ୍କ ପାଇଁ ଅଶ୍ଲୀଳ ଶବ୍ଦର ବ୍ୟବହାର କରାଯାଇଛି ବୋଲି ଅଭିଯୋଗ କରିଛନ୍ତି ମନୀଷା । ଏନେଇ ହନି ସିଂହଙ୍କ ବିରୋଧରେ ଏକ ମାମଲା ରୁଜୁ କରାଯାଇଛି ।
ମହିଳାଙ୍କ ପାଇଁ ଗୀତରେ ଅଶ୍ଲୀଳ ଓ ଅଭଦ୍ର ଧାଡିର ବ୍ୟବହାର କରାଯାଇଛି । ‘ମେ ହୁଁ ଓମେନାଇଜର’, ‘ସିଲିକନ ଗାର୍ଲ’ଭଳି ଶବ୍ଦର ବ୍ୟବହାର କରାଯାଇ ମହିଳାଙ୍କୁ ଅସମ୍ମାନ କରାଯାଇଛି ବୋଲି ଚିଠିରେ ଲେଖାଯାଇଛି । ଚିଠିରେ ଏହା ମଧ୍ୟ କୁହାଯାଇଛି କି ଟି-ସିରିଜର ମୁଖ୍ୟ ଭୁଷଣ କୁମାର, ନେହା କକ୍କଡ ଓ ହନି ସିଂହ ମିଶିକି ପ୍ରସ୍ତୁତ କରିଛନ୍ତି ।
ଏହାସହ 12 ଜୁଲାଇ ମଧ୍ୟରେ ନିଜ ମତ ରଖିବାକୁ ହନି ସିଂହକୁ ପୋଲିସ ସମୟ ଦେଇଛି । ପ୍ରକାଶଥାଉକି, ଗୀତଟି 2018 ଡିସେମ୍ବର 21ରେ ରିଲିଜ ହୋଇଥିଲା ।
