ମୁମ୍ବାଇ: ଏପର୍ଯ୍ୟନ୍ତ କୌଣସି ପ୍ରକାର ଫିଲ୍ମ ଅବା ସିରିଏଲର ସୁଟିଂ ଆରମ୍ଭ ହୋଇନାହିଁ । ଏଥିପାଇଁ ମଧ୍ୟ କିଛି ପ୍ରସ୍ତୁତି କରାଯାଇନାହିଁ । ନିକଟ ଭବିଷ୍ୟତରେ ଏନେଇ କୌଣସି ଯୋଜନା ନଥିବା ପ୍ରଡ୍ୟୁସର ଗିଲଡ ଅଫ ଇଣ୍ଡିଆ ପକ୍ଷରୁ କୁହାଯାଇଛି ।
ନିକଟରେ କିଛି ମିଡିଆ ଚ୍ୟାନେଲ ପକ୍ଷରୁ ସୁଟିଂ ଆରମ୍ଭ ନେଇ ପ୍ରସ୍ତୁତି ଚାଲିଥିବା ଖବର ପ୍ରକାଶ ପାଇଥିଲା । ଲକଡାଉନ କୋହଳ ହୋଇଥିବାରୁ ଏପରି ନିର୍ଦ୍ଦେଶ ପାଇଁ ସରକାରଙ୍କୁ ପ୍ରଡ୍ୟୁସର ଗିଲଡ ପକ୍ଷରୁ ଅନୁରୋଧ କରାଯାଇଥିବା ଖବର ପ୍ରସାରଣ ହୋଇଥିଲା । ତେବେ ଏହା ଉପରେ ସ୍ପଷ୍ଟୀକରଣ ଦେଇ ପ୍ରଡ୍ୟୁସର ଗିଲଡ ଏକ ବିଜ୍ଞପ୍ତି ପ୍ରକାଶ କରି ଘଟଣାର ସଫେଇ ଦେଇଛି ।
କଳାକାରଙ୍କ ସୁରକ୍ଷା ସବୁବେଳେ ପ୍ରାଥମିକତା । ଏବେ ସୁଟିଂ ଆରମ୍ଭ ହେବାର କୌଣସି ଯୋଜନା ନାହିଁ । ଏପରିକି ସରକାରଙ୍କୁ ଏନେଇ କିଛି ଅନୁରୋଧ ମଧ୍ୟ କରାଯାଇନାହିଁ । ତେବେ ଏହା ଉପର କାଗଜପତ୍ର ପ୍ରସ୍ତୁତି ଚାଲିଛି । ଆଗାମୀ ଦିନରେ ସରକାରଙ୍କ ପରାମର୍ଶ ଓ ଅନୁମତି ନେଇ ସଠିକ ନିଷ୍ପତ୍ତି ନିଆଯିବ ବୋଲି ସଂସ୍ଥା ପକ୍ଷରୁ କୁହାଯାଇଛି ।
