ମାଙ୍ଗାଲୁରୁ: ଶନିବାର ଡ୍ୟାନ୍ସର କିଶୋର ଅମାନ ଶେଟ୍ଟୀ ଏବଂ ଅନ୍ୟ ଜଣେ ବ୍ୟକ୍ତିଙ୍କୁ ଡ୍ରଗ୍ସ ସେବନ ଅଭିଯୋଗରେ ଗିରଫ କରାଯାଇଛି ବୋଲି ପୋଲିସ କହିଛି ।
କିଶୋର ଡ୍ୟାନ୍ସ ଇଣ୍ଡିଆ ଡ୍ୟାନ୍ସ ଭଳି ଟିଭି ରିଆଲିଟି ଶୋରେ ଅଂଶଗ୍ରହଣ କରିଥିଲେ । ଏଥିସହିତ ସେ ତାମିଲ ଡ୍ୟାସିଙ୍ଗ ସେନ୍ସେସନ ପ୍ରଭୁ ଦେବାଙ୍କ ଦ୍ବାରା ନିର୍ଦ୍ଦେଶିତ ବଲିଉଡର ସୁପରହିଟ୍ ଫିଲ୍ମ ଏବିସିଡି: ଏନିବଡି କ୍ୟାନ ଡ୍ୟାନ୍ସରେ ଅଭିନୟ କରି ଖ୍ୟାତି ଅର୍ଜନ କରିଥିଲେ ।
ଶେଟ୍ଟୀଙ୍କ ବ୍ୟତୀତ ପୋଲିସ ଆକିଲ ନାଉଶେଲଙ୍କୁ ମଧ୍ୟ ଗିରଫ କରିଥିଲା ।
ସିଟି ପୋଲିସ କମିଶନର ବିକାଶ କୁମାର ଗଣମାଧ୍ୟମକୁ କହିଛନ୍ତି, "ସିସିବି ପୋଲିସ ଆଜି ସକାଳେ ଅଭିଯୁକ୍ତ ଶେଟ୍ଟୀ ଏବଂ ଆକେଲଙ୍କୁ ଗିରଫ କରିଥିଲା । ସେମାନେ ମୁମ୍ବାଇରୁ ଡ୍ରଗ୍ସ କିଣିଥିଲେ ଏବଂ ମାଙ୍ଗାଲୁରୁରେ ବିକ୍ରି କରିଥିଲେ" ।
ପୋଲିସ ଦାବି କରିଛି ଯେ, ସେମାନେ ଉଭୟ ମହାରାଷ୍ଟ୍ର ଏବଂ ବେଙ୍ଗାଲୁରୁରୁ ମାଙ୍ଗାଲୁରୁରେ ଛାତ୍ର ତଥା ଅନ୍ୟମାନଙ୍କୁ ବିକ୍ରୟ କରିବା ପାଇଁ ଡ୍ରଗ୍ସ କିଣିଥିଲେ ।
ପୋଲିସ ସେମାନଙ୍କ ନିକଟରୁ MDMA, ମୋଟରସାଇକେଲ ଏବଂ ଦୁଇଟି ମୋବାଇଲ୍ ଫୋନ୍ ଜବତ କରିଛି ।
ଏହି ଦୁଇଜଣଙ୍କ ବିରୋଧରେ ନାର୍କୋଟିକ୍ ଡ୍ରଗ୍ସ ଏବଂ ସାଇକୋଟ୍ରୋପିକ୍ ସବଷ୍ଟାନ୍ସ ଆକ୍ଟ ଅନୁଯାୟୀ ଏକ ମାମଲା ରୁଜୁ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
