ମୁମ୍ବାଇ: 'ବାହୁବଳୀ' ଫେମ ପ୍ରଭାସ ଓ ବି-ଟାଉନର କ୍ୟୁଟ ଅଭିନେତ୍ରୀ ଶ୍ରଦ୍ଧା କପୁରଙ୍କ ଅପକମିଂ ଫିଲ୍ମ 'ସାହୋ'କୁ ଦେଖିବା ପାଇଁ ଦର୍ଶକ ଅନାଇ ବସିଛନ୍ତି । ପୂର୍ବରୁ ଫିଲ୍ମଟି ସ୍ବାଧୀନତା ଦିବସରେ ରିଲିଜ ହୋଇଥାନ୍ତା, କିନ୍ତୁ ଫିଲ୍ମ ରିଲିଜ ତାରିଖ ଘୁଞ୍ଚାଇ ଦର୍ଶକଙ୍କୁ ନିରାଶ କରିଥିଲେ ମେକର୍ସ । ତଥାପି ଦର୍ଶକ ଫିଲ୍ମକୁ ନେଇ ଖୁବ୍ ଏକ୍ସାଇଟେଡ ଅଛନ୍ତି । ଏହି ଆକ୍ସନ, ଥ୍ରିଲରଭରା ଫିଲ୍ମ ଜରିଆରେ ପ୍ରଭାସ ପାଖାପାଖି ଦୁଇ ବର୍ଷ ପରେ ସିଲଭର ସ୍କ୍ରିନରେ ନଜର ଆସିବେ । 'ସାହୋ' ଆଉ ଏକ କାରଣକୁ ନେଇ ମଧ୍ୟ ଖୁବ୍ ଚର୍ଚ୍ଚାରେ ।
କଥାଟି ହେଲା କି 'ସାହୋ' ଫିଲ୍ମ ଜରିଆରେ ପ୍ରଭାସ ହିନ୍ଦୀ ଓ ଶ୍ରଦ୍ଧା ସାଉଥ ଫିଲ୍ମ ଇଣ୍ଡଷ୍ଟ୍ରିରେ ଡେବ୍ୟୁ କରିବାକୁ ଯାଉଛନ୍ତି । ପ୍ରଥମଥର ପ୍ରଭାସ ଓ ଶ୍ରଦ୍ଧାଙ୍କ ରୋମାନ୍ସ ପରଦାରେ ଦେଖିବାକୁ ପାଇବେ ଦର୍ଶକ । ନିକଟରେ ରିଲିଜ ହୋଇଥିବା ଫିଲ୍ମର ପାର୍ଟି ସଙ୍ଗ 'ସାଇକୋ ସୟାଂ' ଚାର୍ଟବଷ୍ଟର ସାବ୍ୟସ୍ତ ହୋଇସାରିଛି । ଏହି ଟ୍ରାକ ଗୀତଟିକୁ ୟୁଟ୍ୟୁବରେ 47 ମିଲିୟନରୁ ଅଧିକଥର ଦେଖାସରିଲାଣି ।
ଇତିମଧ୍ୟରେ ପ୍ରଭାସ ଗତ ସୋମବାର ଟ୍ବିଟରରେ ଫିଲ୍ମର ନୂଆ ପୋଷ୍ଟର ସେୟାର କରି ମଙ୍ଗଳବାର ତଥା ଆଜି ଫିଲ୍ମର 'ଏନି ସୋନି' ଗୀତ ରିଲିଜ ହେବ ବୋଲି ସୂଚନା ଦେଇଛନ୍ତି । ପ୍ରଭାସଙ୍କ ଏହି ଟ୍ବିଟ ପରେ ଦର୍ଶକ ଗୀତ ଟିଜରକୁ ଦେଖିବାକୁ ଅପେକ୍ଷା କରି ବସିଛନ୍ତି ।
ଅନ୍ୟପଟେ ସେୟାର ହୋଇଥିବା ପୋଷ୍ଟରରେ ଶ୍ରଦ୍ଧା ଓ ପ୍ରଭାସ ରୋମାଣ୍ଟିକ ଅନ୍ଦାଜରେ ନଜର ଆସୁଛନ୍ତି । ରେଡ ଡ୍ରେସରେ ଶ୍ରଦ୍ଧା ଓ ହ୍ବାଇଟ ସର୍ଟରେ ପ୍ରଭାସ ପରସ୍ପର ଆଖିରେ ହଜିଲା ପରି ଲାଗୁଛନ୍ତି ।
ପ୍ରକାଶ ଥାଉକି ଫିଲ୍ମଟି ଅଗଷ୍ଟ 30ରେ ରିଲିଜ ହେବାକୁ ଯାଉଛି। 'ସାହୋ' ରେ ପ୍ରଭାସ ଓ ଶ୍ରଦ୍ଧାଙ୍କ ବ୍ୟତୀତ ଜ୍ୟାକି ଶ୍ରଫ, ଇଭଲେନ ଶର୍ମା, ଚଙ୍କି ପାଣ୍ଡେ, ମନ୍ଦିରା ବେଦୀ, ଟିନୁ ଆନନ୍ଦ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ ।
