ମୁମ୍ବାଇ: ବୁଧବାର ସାଉଥ ସୁପରଷ୍ଟାର ପ୍ରଭାସ ନିଜର ଆଗାମୀ ଫିଲ୍ମ ‘ଆଦିପୁରୁଷ’କୁ ନେଇ ସୋସିଆଲ ମିଡିଆରେ ବଡ ଘୋଷଣା କରିଥିଲେ । ଆଉ ଜଣାଇଥିଲେ ଯେ ଫିଲ୍ମ ଟିମ ଗୁରୁବାର ଦର୍ଶକଙ୍କୁ ସରପ୍ରାଇଜ ଦେବାକୁ ଯାଉଛି । ଏବେ ସାମ୍ନାକୁ ଆସିଯାଇଛି ଫିଲ୍ମ ଟିମର ସେହି ସରପ୍ରାଇଜ । ଯାହାକୁ ନେଇ ଦର୍ଶକଙ୍କ ଉତ୍ସାହିତ ଦୁଇଗୁଣ ବଢିଯାଇଛି । ଆଜ୍ଞା ହଁ, କାରଣ ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି ମେକର୍ସ । ସୋସିଆଲ ମିଡିଆରେ ଏହାର ସୂଚନା ଦେଇଛନ୍ତି ପ୍ରଭାସ ।
ସେ ଇନଷ୍ଟାଗ୍ରାମରେ ଏକ ପୋଷ୍ଟ କରି ଲେଖିଛନ୍ତି, ‘2022 ଅଗଷ୍ଟ 11 ତାରିଖରେ ସିନେମାହଲରେ ରିଲିଜ ହେବ ଫିଲ୍ମ । 2022 ରେ ଦର୍ଶକ ଭଲ ଏବଂ ଖରାପ ମଧ୍ୟରେ ସବୁଠାରୁ ବଡ ଯୁଦ୍ଧର ସାକ୍ଷୀ ହେବେ ।’
- " class="align-text-top noRightClick twitterSection" data="
">
ଫିଲ୍ମରେ ରାମ ଭୂମିକାରେ ନଜର ଆସିବେ ପ୍ରଭାସ । ସେହିପରି ରାଣବ ହୋଇ ତାଙ୍କ ସହ ଫାଇଟ କରିବେ ସୈଫ ଅଲ୍ଲୀ ଖାନ । ଆଉ ତାଙ୍କ ସୀତା ସାଜିବେ ସୁନ୍ଦରୀ ଅଭିନେତ୍ରୀ କିର୍ତ୍ତୀ ସାନନ ବୋଲି ଚର୍ଚ୍ଚା ଧରିଛି । ଚଳିତ ବର୍ଷ ସୈଫଙ୍କ ଜନ୍ମଦିନରେ ନିର୍ମାତା ପ୍ରକାଶ କରିଥିଲେ ଯେ ଏହି ସୁପରଷ୍ଟାରଙ୍କୁ ଫିଲ୍ମରେ ମାରାତ୍ମକ ତଥା ନିର୍ଦ୍ଦୟ ଭିଲେନ ଭାବରେ ଦେଖିବାକୁ ମିଳିବ ।
ପ୍ରକାଶ ଥାଉକି ଏହି ପିରିୟଡ ଡ୍ରାମା ପ୍ରଥମେ 3ଡିରେ ହିନ୍ଦୀ, ତେଲୁଗୁରେ ରିଲିଜ ହେବ । ଏହାପରେ ତାମିଲ, ମାଲାୟାଲମ୍ ଏବଂ କନ୍ନଡରେ ଡବ ହେବ ଫିଲ୍ମ । ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ‘ତାନାଜୀ’ ନିର୍ଦ୍ଦେଶକ ଓମ ରାଉତ ।
