ମୁମ୍ବାଇ: ଲୋକପ୍ରିୟ ଗାୟକ ସୋନୁ ନିଗମ ବର୍ତ୍ତମାନ ଦୁବାଇରେ ଅଛନ୍ତି । ହେଲେ ଏବେ ତାଙ୍କ ଫ୍ୟାନ୍ସଙ୍କ ପାଇଁ ସାମ୍ନାକୁ ଆସିଛି ଗୁଡନ୍ୟୁଜ । ଯାହାକୁ ନେଇ ଶୁଣି ଖୁସି ହୋଇଯିବେ ସମସ୍ତେ । କାରଣ ଦୀର୍ଘ ସମୟ ପରେ ସୋନୁ ଲାଇଭ ମ୍ୟୁଜିକ କନସର୍ଟ କରିବାକୁ ଯାଉଛନ୍ତି । ଆଜ୍ଞା ହଁ, ଲକଡାଉନ ପରେ ସୋନୁ ନିଜର ପ୍ରଥମ ଲାଇଭ ମ୍ୟୁଜିକ କନସର୍ଟ ଦୁବାଇରେ କରିବେ । କୋରୋନା ମହାମାରୀ ପରେ ଲାଇଭ ଶୋଠୁ ଦୂରେଇ ରହିଥିବା କଳାକାରଙ୍କ ପାଇଁ ଏହା ଏକ ସକାରାତ୍ମକ ଖବର।
ଏହି କନସର୍ଟ ଭାରତୀୟ ସଂସ୍କୃତି ଓ ହିନ୍ଦୀ ସିନେମା ପ୍ରେମୀଙ୍କୁ ଖୁସ କରିବା ପାଇଁ ଦୁବାଇର ୱାର୍ଲ୍ଡ ଟ୍ରେଡ ସେଣ୍ଟରରେ ଆୟୋଜନ ହେବ । ସେହିପରି ଏହି କନସର୍ଟରେ ସୋନୁଙ୍କ ବ୍ୟତୀତ ଆଉ 18 ଜଣ କଳାକାର ପରଫର୍ମ କରିବେ ।
ସୋନୁ ଏହି କନସର୍ଟ ବିଷୟରେ ଆଲୋଚନା କରି କହିଥିଲେ, ‘ଦୁନିଆରେ କୋରୋନା ଭଳି ମହାମାରୀ ବ୍ୟାପିବା ପରେ ଏହା ଏକ ବଡ କନସର୍ଟ ହେବାକୁ ଯାଉଛି । ମୁଁ ବହୁତ ଖୁସି ଅଛି ଏହି କନସର୍ଟରେ ଯୋଗ ଦେବାକୁ ନେଇ । ଏହି ସମୟରେ କଠିନ ପରିସ୍ଥିତି ଦେଇ ଗତି କରୁଛନ୍ତି ସମସ୍ତେ । ଆମେ ଚେଷ୍ଟା କରିବୁ ଏହି କନସର୍ଟ ଜରିଆରେ ସମସ୍ତଙ୍କୁ ଶାନ୍ତି ଦେବାକୁ ।’ ପ୍ରକାଶ ଥାଉକି ଆସନ୍ତା 21 ତାରିଖରେ ଏହି କନସର୍ଟ ହେବାକୁ ଯାଉଛି ।
