ମୁମ୍ବାଇ: ରିୟାଲିଟି ଶୋ ‘ବିଗବସ ସିଜନ 14’ର ଫାଷ୍ଟ ରନର୍ସ ଅପ୍ ରାହୁଲ ବୈଦ ବର୍ତ୍ତମାନ ଚର୍ଚ୍ଚାରେ । ବିଗବସ ହାଉସରେ ସେ ଖେଳିଥିଲେ ଜବରଦସ୍ତ ଖେଳ । ଏହାବ୍ୟତୀତ ସେ ତାଙ୍କ ଲଭ ଲାଇଫକୁ ନେଇ ବେଶ ଚର୍ଚ୍ଚାରେ । ସେ ଟିଭିର ଅଭିନେତ୍ରୀ ଦିଶା ପରମାରଙ୍କୁ ଖୁବଶୀଘ୍ର ବିବାହ କରିବାକୁ ଯାଉଛନ୍ତି । ଏକଥା ଆମେ କହୁନାହୁଁ ଏହା ତାଙ୍କର ଏକ ପ୍ରତିକ୍ରିୟାରୁ ଜଣାପଡିଛି । ସେହିପରି ଭାଲେଣ୍ଟାଇନ ଡେ ଅବସରରେ ରାହୁଲଙ୍କୁ ବିବାହ କରିବାକୁ ରାଜି ହୋଇଯାଇଥିଲେ ଦିଶା । ଇତିମଧ୍ୟରେ ପ୍ରତିକ୍ରିୟା ରଖିଛନ୍ତି ରାହୁଲ।
ଏକ ସାକ୍ଷାତକାରରେ ରାହୁଲ ଜଣାଇଛନ୍ତି ଦିଶାଙ୍କୁ ସେ ଖୁବଶୀଘ୍ର ବିବାହ କରିବାକୁ ଯାଉଛନ୍ତି । ଯାହାର ପ୍ରସ୍ତୁତି ମଧ୍ୟ ଆରମ୍ଭ କରି ଦେଇଛନ୍ତି । ଖାଲି ଏତିକି ନୁହେଁ ଅତିଥିଙ୍କ ତାଲିକା ମଧ୍ୟ ବାହାର ସାରିଲାଣି । ହେଲେ ବ୍ୟକ୍ତିଗତ ରୂପେ ସେ ବିବାହ କରିବାକୁ ଚାହୁଁଛନ୍ତି । ଯେଉଁଥିରେ କେବଳ 50 ରୁ 60 ଲୋକ ସାମିଲ ହେବେ।
ମୁଖ୍ୟ କଥା ହେଲା ଯେ ଅତିଥିଙ୍କ ତାଲିକାରେ ରାହୁଲ ସର୍ବ ପ୍ରଥମ ନାମ ସୁପରଷ୍ଟାର ତଥା ବିଗବସ ହୋଷ୍ଟ ସଲମାନ ଖାନଙ୍କର ରଖିଛନ୍ତି । ସଲମାନଙ୍କ ବ୍ୟତୀତ ସେ ଏଲି ଗୋନି ଏବଂ ଜାସ୍ମୀନ ଭସୀନଙ୍କୁ ମଧ୍ୟ ନିମନ୍ତ୍ରଣ କରିବେ ବୋଲି କହିଛନ୍ତି ।
