ମୁମ୍ବାଇ: ବଲିଉଡର ଫେମସ ଗାୟିକା ନେହା କକ୍କର ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି । ଆସନ୍ତା 24 ତାରିଖରେ ସେ ପଞ୍ଜାବୀ ଗାୟକ ରୋହନପ୍ରୀତ ସିଂଙ୍କ ବିବାହ କରିବେ । ହେଲେ ଏହା ପୂର୍ବରୁ ସେ ଫ୍ୟାନ୍ସଙ୍କୁ ନିଜର ବିବାହ ଝଲକ ଦେଖାଇଛନ୍ତି। କାରଣ ରିଲିଜ ହୋଇଯାଇଛି ରୋହନ ଓ ନେହାଙ୍କ ମ୍ୟୁଜିକ ଭିଡିଓ ‘ନେହୁ ଦା ବିହା’ । ରିଲିଜର କିଛି ଘଣ୍ଟା ମଧ୍ୟରେ ସୋସିଆଲ ମିଡିଆରେ ଚହଳ ସୃଷ୍ଟି କରିଛି ଏହି ଗୀତ । ଗୀତକୁ 4 ଲକ୍ଷରୁ ଅଧିକ ଲାଇକ ମିଳିସାରିଲାଣି ।
ଗୀତରେ ନେହା ଓ ରୋହନଙ୍କ ରୋମାଣ୍ଟିକ କେମେଷ୍ଟ୍ରିକୁ ଖୁବ୍ ପସନ୍ଦ କରୁଛନ୍ତି ଦର୍ଶକ । ସେହିପରି ଗୀତକୁ ଗାଇଛନ୍ତି ଏହି ଯୋଡି । ଦେଶୀ ମ୍ୟୁଜିକ ଫ୍ୟାକ୍ଟ୍ରି ନାମ ଏକ ୟୁଟ୍ୟୁବ ଚ୍ୟାନେଲରେ ଏହାକୁ ରିଲିଜ କରାଯାଛି ।
- " class="align-text-top noRightClick twitterSection" data="">
ଫ୍ୟାନ୍ସ ଗୀତରେ କମେଣ୍ଟ କରି ପ୍ରଂଶସା କରୁଥିବାର ନଜର ଆସୁଛନ୍ତି । ଜଣେ ଫ୍ୟାନ ଲେଖିଛନ୍ତି, ‘ଏହି ଯୋଡି 2020ର ବେଷ୍ଟ ଯୋଡି’ । ଦ୍ବିତୀୟ ଫ୍ୟାନ ଲେଖିଛନ୍ତି, ‘ତୁମେ ଦୁହେଁ ସାଥିରେ ଭଲ ଲାଗୁଛ । ଦୁଇଜଣ ସବୁବେଳେ ଏମିତି ରୁହ । ’
