ମୁମ୍ବାଇ: ନିକଟରେ ଓଟିଟି ପ୍ଲାଟଫର୍ମରେ ରିଲିଜ ହୋଇଥିଲା ମହାନାୟକ ଅମିତାଭ ବଚ୍ଚନ ଓ ଆୟୁଷ୍ମାନ ଖୁରାନାଙ୍କ ଚର୍ଚ୍ଚିତ ଫିଲ୍ମ ‘ଗୁଲାବୋ-ସିତାବୋ’ । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇଥିଲେ ଫେମସ ନିର୍ଦ୍ଦେଶକ ସୁଜିତ ସରକାର । ଏବେ ଅମିତାଭଙ୍କ ପ୍ରଶଂସା କରିବାରେ ଥକୁନାହାଁନ୍ତି ସେ । ଏହି ଯୋଡି ଫିଲ୍ମ ‘ପିକୁ’, ‘ଶୋବାଇଟ୍’ରେ ମଧ୍ୟ ଏକାଠି କାମ କରିଛନ୍ତି ।
ନିକଟରେ ଦେଇଥିବା ଏକ ସାକ୍ଷାତକାରରେ ସେ କହିଥିଲେ, ‘ଅମିତାଭ ଓ ଆୟୁଷ୍ମାନଙ୍କ ସହ ପୂର୍ବରୁ କାମ କରିସାରିଛି । ମୋ ସହ କାମ କରୁଥିବା ଶାନଦାର ଅଭିନେତାଙ୍କ ମଧ୍ୟରୁ ଅନ୍ୟତମ ଅମିତାଭ । କୌଣସି ସ୍ଥାନରେ ଆମର ବିଶ୍ବାସ, ବନ୍ଧନ ଏବଂ ଆରାମ ଅଛି । ଯାହା ଧୀରେ ଧୀରେ ବଢିଚାଲିଛି । ଅବଶ୍ୟ ଏହା ଏକ ସୃଜନଶୀଳ ପ୍ରକ୍ରିୟା, ଏବଂ ଆମେ ସବୁବେଳେ ପରସ୍ପରକୁ ଚ୍ୟାଲେଞ୍ଜ କରିଥାଉ । ଆମେ ମିଷ୍ଟର ବଚ୍ଚନଙ୍କୁ ଚ୍ୟାଲେଞ୍ଜ ଦେଉଛୁ ସେ ଆମକୁ ମଧ୍ୟ ଚ୍ୟାଲେଞ୍ଜ ଦେଉଛନ୍ତି । ଏକ ସୁସ୍ଥ କାର୍ଯ୍ୟ ସମ୍ପର୍କ ପାଇଁ ଏଗୁଡ଼ିକ ଅତ୍ୟନ୍ତ ଗୁରୁତ୍ବପୂର୍ଣ୍ଣ ।’
ଫିଲ୍ମ ଦୃଷ୍ଟିକୋଣରୁ ଏହି ଦୁଇ ଜଣଙ୍କ ମଧ୍ୟରେ କେମେଷ୍ଟ୍ରିର ଆବଶ୍ୟକ ଥିଲା । ଯଦି ଆପଣ ପ୍ରଥମ ଥର ପାଇଁ ବଚ୍ଚନଙ୍କ ସହିତ କାମ କରନ୍ତି, ତେବେ ଆପଣ ତାଙ୍କୁ ବୁଝିବା ପାଇଁ କିଛି ସମୟ ନେଇପାରନ୍ତି । ଆୟୁଷ୍ମାନଙ୍କୁ ଅମିତାଭଙ୍କ ସହ କାମ କରିବାକୁ ପ୍ରଥମେ ସଙ୍କୋଚ ଥିଲା । ଯାହା ପରେ ଠିକ୍ ହୋଇଯାଇଥିଲା । କାରଣ ବଚ୍ଚନ ସାର୍ ସବୁବେଳେ ସମସ୍ତଙ୍କୁ କମ୍ଫର୍ଟ ଫିଲ କରାନ୍ତି । ଆଉ ବାସ୍ତବରେ କେବେ କାହାକୁ ଡରନ୍ତି ନାହିଁ । ସେ ବହୁତ ସରଳ ସ୍ବଭାବ ବ୍ୟକ୍ତି । ସେଟରେ ନିର୍ଦ୍ଦେଶକଙ୍କ ଅଭିନେତା ରୂପେ ରୁହନ୍ତି । ଆଉ ସାଥିରେ କାମ କରୁଥିବା ସବୁଠୁ ଆକର୍ଷକ ସହ-ଅଭିନେତା ମଧ୍ୟରୁ ଅନ୍ୟତମ ସେ ।
