ମୁମ୍ବାଇ: ଖୁବଶୀଘ୍ର ସ୍ପୋର୍ଟ୍ସ ଡ୍ରାମା ଫିଲ୍ମ ‘ରଶ୍ମୀ ରକେଟ’ ନେଇ ପରଦାକୁ ଫେରିବାକୁ ଯାଉଛନ୍ତି ଚୁଲବୁଲି ଅଭିନେତ୍ରୀ ତାପସୀ ପନ୍ନୁ । ଫିଲ୍ମର ସୁଟିଂ ଶେଷ ହେବା ଉପରେ । ଗୁଜରାଟରେ ସୁଟିଂ ଶେଷ କରିବେ ଅଭିନେତ୍ରୀ । ଆଉ ଏବେ ଫିଲ୍ମର ଏଡିଟିଂ ପାଇଁ ନିର୍ମାତା ପ୍ରସ୍ତୁତ । ସେହିପରି ଗତ ବର୍ଷ ଅକ୍ଟୋବରେ ସେ ଆକ୍ସନ ଥ୍ରିଲର ଫିଲ୍ମ ‘ହସୀନ ଦିଲରୁବା’ର ସୁଟିଂ ଶେଷ କରିଥିଲେ ।
- " class="align-text-top noRightClick twitterSection" data="
">
ଯାହାପରେ ସେ ‘ରଶ୍ମୀ ରକେଟ’ର ସୁଟିଂ ଆରମ୍ଭ କରି ଫ୍ୟାନ୍ସଙ୍କୁ ସରପ୍ରାଇଜ ଦେଇଥିଲେ । ଫିଲ୍ମରେ ଜଣେ ଆଥେଲେଟିକ ଭୂମିକାରେ ଦେଖାଯିବେ ତାପସୀ। ଯାହା ପାଇଁ ତାଙ୍କୁ କରିବାକୁ ପଡିଛି କଡା ପରିଶ୍ରମ । ନିକଟରେ ପୁଣେ ଓ ରାଞ୍ଚିରେ ସୁଟିଂ କରିଥିଲେ ସେ । ଆଉ ଏହାର ଶେଷ ସିଡ୍ୟୁଲ ଗୁଜରାଟରେ ଶେଷ ହେବାକୁ ଯାଉଛି ।
- " class="align-text-top noRightClick twitterSection" data="
">
ପ୍ରକାଶ ଥାଉକି ନିର୍ଦ୍ଦେଶକ ଆକ୍ରଶ ଖୁରାନା ଗତ ବର୍ଷ ଏପ୍ରିଲରେ ‘ରଶ୍ମୀ ରକେଟ’ର ଘୋଷଣା କରିଥିଲେ । ଫିଲ୍ମରେ ଗୁଜରାଟର ଜଣେ ଦୌଡ ରାଣୀ ନାମରେ ପରିଚିତ ଝିଅର କାହାଣୀକୁ ପର୍ଯ୍ୟବେଶିତ କରାଯାଇଛି । ଏପ୍ରିଲରେ 14 ଦିନର ସୁଟିଂ ସିଡ୍ୟୁଲ ପାଇଁ ଗୁଜରାଟ ସରକାରଙ୍କ ଠାରୁ ଅନୁମତି ନେଇଥିଲେ ନିର୍ଦ୍ଦେଶକ । ହେଲେ କୋରୋନା କାଳ ପାଇଁ ସୁଟିଂ ହୋଇପାରିନଥିଲା ।
ଯଦି ତାପସୀଙ୍କ ଅନ୍ୟ ଫିଲ୍ମ ବିଷୟରେ କଥା ହେଲା ତାହାଲେ ସେ ଏହା ବ୍ୟତୀତ ‘ଲୁପ୍ ଲପେଟା’ରେ ମଧ୍ୟ ଅଭିନୟ କରୁଥିବାର ଦେଖାଯିବେ ସେ । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ନିର୍ଦ୍ଦେଶକ ଆକାଶ ଭାଟ୍ଟିଆ । ଜର୍ମାନୀ ଫିଲ୍ମ ‘ରନ୍ ଲୋଲା ରନ୍’ର ଏହା ହିନ୍ଦୀ ରିମେକ ଫିଲ୍ମ । ଫିଲ୍ମରେ ତାଙ୍କ ସହ ନଜର ଆସିବେ ଅଭିନେତା ତାହିର ରାଜ ଭାସିନ ।
ବ୍ୟୁରୋ ରିପୋର୍ଟ, ଇଟିଭି ଭାରତ
