ମୁମ୍ବାଇ: ଅଭିନେତ୍ରୀ ରିଚା ଚଡ୍ଡା କିଛି ଦିନରୁ ବେଶ୍ ଚର୍ଚ୍ଚାରେ। ଅଭିନେତ୍ରୀ ପାୟଲ ଘୋଷଙ୍କ ସହଙ୍କ ଚାଲିଥିବା ବିବାଦ ଏବେ ବନ୍ଦ ହୋଇଛି। କାରଣ ଦୁଇ ଅଭିନେତ୍ରୀ ଆପସ ବୁଝାମଣାରେ ମାମଲାକୁ ଶେଷ କରିଛନ୍ତି । ହେଲେ ଏବେ ଲାଗୁଛି ରିଚା ଫିଲ୍ମ କ୍ୟାରିୟର ଛାଡି ରାଜନୀତରେ ପଦାର୍ପଣ କରିବେ । ଏକଥା ଆମେ କହୁନାହୁଁ ବରଂ ସୋସିଆଲ ମିଡିଆରେ ଏହାକୁ ନେଇ ଚହଳ। ତେବେ ଆସନ୍ତୁ ଜାଣିବା ପୁରା ମାମଲାଟି...
ଶୁଣିବାକୁ ମିଳୁଛି ସେ ଶିବସେନା ପାର୍ଟିରେ ସାମିଲ ହେବାକୁ ଯାଉଛନ୍ତି ରିଚା । କାରଣ ଜଣେ ସୋସିଆଲ ମିଡିଆ ୟୁଜର ତାଙ୍କୁ ଏପରି ପ୍ରଶ୍ନ ପଚାରିଛନ୍ତି । କଥାଟି ହେଲା ଯେ ରିଚା ଜଣେ ଟ୍ବିଟର ୟୁଜରଙ୍କୁ ଜବାବ ଦେବାକୁ ଯାଇ ତୀର ଓ ଧନୁଷର ଇମୋଜି ଦେଇଥିଲେ । ଯାହା ଶିବସେନାର ନିର୍ବାଚନ ଚିହ୍ନ ଅଟେ ।
ଏହାକୁ ଆଧାର କରି ଜଣେ ୟୁଜର ପ୍ରଶ୍ନ କରିଥିଲେ, ‘କଣ ତୁମେ ଶିବସେନାରେ ସାମିଲ ହେବାକୁ ଯାଉଛ । ପ୍ରଥମ ଟ୍ବିଟରେ ତୁମ ଶିବସେନାର ଚିହ୍ନ ଦେଇଥିଲ ।’ ରିଚା ମଧ୍ୟ କେଉଁ ଚୁପ ବସିବା ଝିଅ । ସେ ସଙ୍ଗେ ସଙ୍ଗେ ଉତ୍ତର ଦେଇ କହିଥିଲେ, ‘ନାଁ ଏମିତି କିଛି ନାହିଁ । ଏହା ସମ୍ପୂର୍ଣ୍ଣ ଭିନ୍ନ କଥା । ଶିବସେନା ଚିହ୍ନ ବିଷୟରେ ମୁଁ ଏବେ ଜାଣିଲି । ଏହା #teamBaanର ପ୍ରତୀକ ।’ ତେବେ ରିଚାଙ୍କ ଏପରି ବୟାନରୁ ସ୍ପଷ୍ଟ ଜଣାପଡୁଛି ଯେ ସେ ରାଜନୀତିରେ ସାମିଲ ହେବ ନାହିଁ ।
