ମୁମ୍ବାଇ: ନିକଟରେ ବି-ଟାଉନର ବେବୋ କରୀନା କପୁର ଖାନ ଗର୍ଭବତୀ ଥିବା ଘୋଷଣା କରି ଫ୍ୟାନ୍ସଙ୍କୁ ଗୁଡନ୍ୟୁଜ ଦେଇଥିଲେ । ଦ୍ବିତୀୟଥର ମା' ହେବାକୁ ଯାଉଛନ୍ତି ସେ । ବର୍ତ୍ତମାନ ଏହାକୁ ନେଇ ତାଙ୍କ ପରିବାରରେ ଖୁସିର ଲହରୀ । ଇତିମଧ୍ୟରେ ସୋସିଆଲ ମିଡିଆରେ କପୁର ପରିବାରର କିଛି ଫଟୋ ଖୁବ୍ ଭାଇରାଲ ହେବାରେ ଲାଗିଛି । ଯେଉଁଥିରେ ମଜାଦାର କମେଣ୍ଟ କରି କରୀନାଙ୍କ ବିଏଫଏଫ ତଥା ସେକ୍ସୀ ଅଭିନେତ୍ରୀ ମଲାଇକା ଅରୋରା ଚର୍ଚ୍ଚାରେ । ଏହାସହ ସେ ତୈମୁରଙ୍କୁ ନେଇ ମଜାଦାର ଖୁଲାସା ମଧ୍ୟ କରିଛନ୍ତି ।
- " class="align-text-top noRightClick twitterSection" data="
">
ନିକଟରେ ଇନଷ୍ଟାଗ୍ରାମରେ ନିଜ ପରିବାର ସହ ଫଟୋ ସେୟାର କରିଥିଲେ କରୀନା । ଯେଉଁଥିରେ ସମସ୍ତଙ୍କ ନଜର ତୈମୁର ଉପରେ ପଡିଥିଲା । କାରଣ ସବୁଥର ପରି ଏଥର ମଧ୍ୟ ତାଙ୍କ କ୍ୟୁଟ ଅବତାର ଦେଖିବାକୁ ମିଳିଛି । ଏହି ଫଟୋ ଉପରେ କମେଣ୍ଟ କରି ମଲାଇକା ଲେଖିଛନ୍ତି, ‘ଟିମଙ୍କୁ ପସନ୍ଦ ଲଡୁ ।’ ସେହିପରି ଏହି ଫଟୋର କ୍ୟାପସନରେ କରୀନା ଲେଖିଥିଲେ, ‘ସମସ୍ତେ ମୋ ଫେଭରେଟ ଲୋକ ।’
ଯଦି କରୀନାଙ୍କ ଫିଲ୍ମ ବିଷୟରେ କଥା ହେବା ତେବେ ସେ ଖୁବଶୀଘ୍ର ସୁପରଷ୍ଟାର ଆମୀର ଖାନଙ୍କ ବହୁ ଚର୍ଚ୍ଚିତ ଫିଲ୍ମ ‘ଲାଲ ସିଂ ଚଡ୍ଡା’ରେ ନଜର ଆସିବେ । ଏହି ଫିଲ୍ମଟି ହଲିଉଡର ଫେମସ ଫିଲ୍ମ ‘ଫରେଷ୍ଟ ଗମ୍ପ’ର ହିନ୍ଦୀ ରିମେକ ଫିଲ୍ମ । ନିକଟରେ ଫିଲ୍ମର ସୁଟିଂ ତୁର୍କୀରେ ହୋଇଥିଲା ।
