ମୁମ୍ବାଇ: ନୂଆ ବର୍ଷରେ ସବୁଠୁ ବଡ ଝଟକା ଫ୍ୟାନ୍ସଙ୍କୁ ଦେଇଥିଲେ ଦୀପିକା ପାଦୁକୋନ । କାରଣ ସେ ନିଜ ସୋସିଆଲ ମିଡିଆ ଆକାଉଣ୍ଟର ସବୁ ପୋଷ୍ଟ ଡିଲିଟ କରିଦେଇଥିଲେ । ଯାହାକୁ ନେଇ ସମସ୍ତେ ଚିନ୍ତାରେ ପଡିଯାଇଥିଲେ । ଆଉ ପୋଷ୍ଟ ଡିଲିଟ କରିବା ବିଷୟରେ ସେ କାହାରିକୁ କିଛି ମଧ୍ୟ କହିନଥିଲେ । ହେଲେ ଏବେ ସେ ଏକ ଅଡିଓ କ୍ଲିପ ସେୟାର କରି ଫ୍ୟାନ୍ସଙ୍କୁ ପୁଣି ସରପ୍ରାଇଜ କରିଦେଇଛନ୍ତି । ଏହା ନ୍ୟୁ ଇୟରରେ ତାଙ୍କ ଫ୍ୟାନ୍ସଙ୍କ ପାଇଁ ଗିଫ୍ଟ ସଦୃଶ ।
- " class="align-text-top noRightClick twitterSection" data="
">
ସେ ସେୟାର କରିଥିବା ଅଡିଓ କ୍ଲିପର କ୍ୟାପସନରେ ଲେଖିଛନ୍ତି, ‘01.01.2021 । ହାପି ନ୍ୟୁ ଇୟର ସମସ୍ତଙ୍କୁ । ଆପଣଙ୍କ ପାଇଁ କ’ଣ ମହତ୍ବ ରଖେ । ’
ଅଡିଓରୁ ଜଣାପଡୁଛି ଯେ 2020 ବର୍ଷ ତାଙ୍କ ପାଇଁ କୃତଜ୍ଞତା ପୂର୍ଣ୍ଣ ବର୍ଷ । ଯାହାର ସୂଚନା ଦେଇ ସେ କହିଛନ୍ତି, ‘ଆପଣ ସମସ୍ତେ ମୋ ସହ ସହମତ ହେବେ ଯେ 2020 ସମସ୍ତଙ୍କ ପାଇଁ ଅନିଶ୍ଚିତତାରେ ପରିପୂର୍ଣ୍ଣ ଏକ ବର୍ଷ ଥିଲା । ହେଲେ ମୋ ପାଇଁ ଏହା କୃତଜ୍ଞତା ଏବଂ ଉପସ୍ଥିତ ହେବା ବିଷୟରେ ମଧ୍ୟ ଥିଲା । 2021 ସୁଦ୍ଧା ମୁଁ ନିଜ ପାଇଁ ଏବଂ ଆଖପାଖର ସମସ୍ତଙ୍କ ପାଇଁ ଭଲ ଇଚ୍ଛା କରିପାରିବି । ମୁଁ ଭଲ ସ୍ବାସ୍ଥ୍ୟ ଏବଂ ମାନସିକ ଶାନ୍ତି ଚାହୁଁଛି ।’
