ମୁମ୍ବାଇ: ଦେଶରେ ବଢି ଚାଲିଛି କୋରୋନା ସଙ୍କଟ । ଯାହାକୁ ଦୃଷ୍ଟିରେ ରଖି ବର୍ତ୍ତମାନ ଅନେକ ରାଜ୍ୟରେ ନାଇଟ୍ କର୍ଫ୍ୟୁ ଲାଗୁ ହୋଇଯାଇଛି । ଏମିତି ପରିସ୍ଥିତିରେ ବର୍ତ୍ତମାନ ମହାରାଷ୍ଟ୍ରରେ ଅନେକ ଫିଲ୍ମର ସୁଟିଂକୁ ସ୍ଥଗିତ ରଖାଯାଇଛି । ସେହିପରି ଏହି କ୍ରମରେ ସାମିଲ ଅଛି ଆକ୍ସନ ଷ୍ଟାର ବିଦ୍ୟୁତ ଜାମୱାଲଙ୍କ ଆଗାମୀ ଫିଲ୍ମ ‘ସନକ’ । ଫିଲ୍ମର ନିର୍ମାତା ଏଥିପାଇଁ ସ୍ଥିର କରିଛନ୍ତି ଏହି ବହୁପ୍ରତିକ୍ଷିତ ଫିଲ୍ମର ଶେଷ ସିଡ୍ୟୁଲ ସୁଟିଂ ଗୋଆରେ କରିବା ପାଇଁ । ସେ ଫିଲ୍ମର ସେଟରେ ଥିବା ନିର୍ଦ୍ଦେଶାବଳୀକୁ କଡାକଡି ପାଳନ କରିବାକୁ ମଧ୍ୟ ନିଶ୍ଚିତ କରିଛନ୍ତି।
ଏହା ଉପରେ ପ୍ରତିକ୍ରିୟା ରଖି ନିର୍ଦ୍ଦେଶକ କନିଷ୍କ ବର୍ମା କହିଛନ୍ତି, ‘ଆମର ଏକମାତ୍ର ଗୋଆ କାର୍ଯ୍ୟସୂଚୀ ବାକି ଅଛି । କୋଭିଡ୍ -19 ମାମଲା ଗୁଡିକରେ ହଠାତ୍ ଉତ୍ତେଜନା ଦେଖାଦେଇଛି ଏବଂ ସମଗ୍ର ଦେଶ ଏହା ଦେଇ ଗତି କରୁଛି । ସତ କହିବାକୁ ଗଲେ, ସେଟ ଉପରେ ସାନିଟାଇଜେସନ ଏବଂ କୋଭିଡ ସତର୍କତା ବିଷୟରେ ଆମେ ଆରମ୍ଭରୁ ବହୁତ କଠୋର ହୋଇଛୁ। ଜାନୁଆରୀରେ ଆମେ ଫିଲ୍ମର ଫ୍ଲାଗସିପ୍ ଫଟୋଗ୍ରାଫି ଆରମ୍ଭ କରିବାବେଳେ ମଧ୍ୟ ଆମେ ଏହାକୁ ହାଲୁକା ଭାବେ ଗ୍ରହଣ କରିନଥିଲୁ ।’
ପ୍ରକାଶ ଥାଉକି ବିଦ୍ୟୁତ ଏବଂ ଡେବ୍ୟୁ ଅଭିନେତ୍ରୀ ରୁକ୍ମିଣୀ ମିତ୍ରାଙ୍କ ଅଭିନୀତ ଏହି ଫିଲ୍ମରେ ନେହା ଧୂପିଆଙ୍କ ଏବଂ ଚନ୍ଦନ ରୟ ସାନିଆଲଙ୍କୁ ମଧ୍ୟ ଦେଖିବାକୁ ମିଳିବ । ‘ସନକ’ର ପୋଷ୍ଟ ଏବର୍ଷ ଆରମ୍ଭରେ ଚହଳ ସୃଷ୍ଟି କରିଥିଲା । ପୋଷ୍ଟର ଦେଖିବା ପରଠୁ ଫିଲ୍ମକୁ ନେଇ ଉତ୍ସାହିତ ଅଛନ୍ତି ଦର୍ଶକ ।
