ମୁମ୍ବାଇ: ଫିଲ୍ମକୁ ନେଇ ଚର୍ଚ୍ଚାରେ ରହିବା ସହ ସୋସିଆଲ ମିଡିଆରେ ଫ୍ୟାନ୍ସଙ୍କୁ ମନୋରଞ୍ଜନ କରିବାକୁ କେବେ ଭୁଲନ୍ତିନି ଉରି ଫେମ ବିକ୍କୀ କୌଶଲ । ସେ ପ୍ରାୟତଃ ନିଜ ସହ ସମ୍ପୃକ୍ତ ଜିନିଷ ସେୟାର କରନ୍ତି । ହେଲେ ଏଥର ସେ ଯେଉଁ ପୋଷ୍ଟ କରିଛନ୍ତି ସେଥିରେ ଫ୍ୟାନ୍ସଙ୍କ ମଜାଦାର କମେଣ୍ଟ ଦେଖିବାକୁ ମିଳୁଛି ।
କଥାଟି ହେଲା ଯେ ଶୁକ୍ରବାର ବିକ୍କୀ ଇନଷ୍ଟାଗ୍ରାମରେ ନିଜର ଏକ ଫଟୋ ପୋଷ୍ଟ କରି କ୍ୟାପସନରେ ଲେଖିଥିଲେ, ‘ଆଜି ସକାଳେ ମଜନୁ ଭାଇଙ୍କ ପେଣ୍ଟିଂ ଦ୍ବାରା ଟିକିଏ ଅନୁପ୍ରାଣିତ ହୋଇଛି ।’ ତେବେ ଆପଣ ଭାବୁଥିବେ ମଜନୁ ଭାଇ କିଏ । ତାହାଲେ ଜଣାଇ ଦେଉଛୁ ଯେ ‘ୱେଲକମ୍’ ଫିଲ୍ମରେ ଅନିଲ କପୁର ମଜନୁ ଭାଇ ଭୂମିକାରେ ଅଭିନୟ କରିଥିଲେ। ଆଉ ନିଜର ଅଜବ ପେଣ୍ଟିଂ ପାଇଁ ସମସ୍ତଙ୍କୁ ଆଶ୍ଚର୍ଯ୍ୟ ସମସ୍ତଙ୍କୁ ହସାଉଥିଲେ ।
ଭାଇରାଲ ହେଉଥିବା ଫଟୋରେ ବିକ୍କୀ ଘୋଡା ଉପରେ ଠିଆ ହୋଇ ନିଜକୁ ବାଲାନ୍ସ କରୁଥିବାର ନଜର ଆସୁଛନ୍ତି । ଅବିକଳ ମଜନୁ ଭାଇଙ୍କ ପେଣ୍ଟିଂ ପରି । ଯେଉଁଥିରେ ଘୋଡା ଉପରେ ଆଉ ଏକ ଘୋଡା ଠିଆ ହୋଇଥିବାର ଦେଖିବାକୁ ମିଳିଥିଲା। ଦେଖନ୍ତୁ ଫଟୋ...
- " class="align-text-top noRightClick twitterSection" data="
">
ସେପଟେ ଫ୍ୟାନ୍ସଙ୍କ ବ୍ୟତୀତ ସେଲିବ୍ରିଟି ମଧ୍ୟ କମେଣ୍ଟ କରିବା ଆରମ୍ଭ କରିଦେଇଛନ୍ତି । ଏହି କ୍ରମରେ ସାମିଲ ଅଛନ୍ତି ଟାଇଗର ଶ୍ରଫ, ଶଶାଙ୍କ ଖେତାନ ଏବଂ ସୈୟାନି ଗୁପ୍ତା ଭଳି ସେଲିବ୍ରିଟି ।
