ମୁମ୍ବାଇ: ଆକ୍ସନ ଡ୍ରାମା ଫିଲ୍ମ ‘ସିମ୍ବା’ ରିଲିଜକୁ ଦୁଇବର୍ଷ । ସେଲିବ୍ରେଶନ ମୁଡରେ ରଣବୀର ସିଂ । ସୋସିଆଲ ମିଡିଆରେ ସ୍ପେଶାଲ ପୋଷ୍ଟ ଜରିଆରେ ପୁରା ଫିଲ୍ମ ଟିମକୁ ଜଣାଇଲେ ଧନ୍ୟବାଦ । 2018 ଡିସେମ୍ବର 27ରେ ରିଲିଜ ହୋଇଥିବା ଏହି ଫିଲ୍ମରେ ରଣବୀରଙ୍କ ସହ ନଜର ଆସିଥିଲେ ଚୁଲବୁଲି ଅଭିନେତ୍ରୀ ସାରା ଅଲ୍ଲୀ ଖାନ । ନିର୍ଦ୍ଦେଶକ ରୋହିତ ସେଟ୍ଟୀଙ୍କ ନିର୍ଦ୍ଦେଶିତ ଏହି ଫିଲ୍ମ ବକ୍ସ ଅଫିସରେ କରିଥିଲା ଧମାଲ ।
- " class="align-text-top noRightClick twitterSection" data="
">
ଦୁଇବର୍ଷ ପୂରଣ ଅବସରରେ ରଣବୀର ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରି ଲେଖିଛନ୍ତି, ‘ଆୟା ପୋଲିସ । ଦୁଇବର୍ଷରେ ମୋର ଆକ୍ସନ କମରସିଆଲ ସିନେମା ଏବଂ ଯାହା ବକ୍ସ ଅଫିସରେ କିଙ୍ଗ ଭଳି କାର୍ଯ୍ୟ କରିଥିଲା । ରୋହିତ ଏମିତି ଜଣେ ନିର୍ଦ୍ଦେଶକ ଯିଏ ଏମିତି ସିନେମା ନିର୍ମାଣ କରିପାରିବେ । ମତେ ତୁମ ଟିମରେ ସାମିଲ କରି ଏସବୁ ଜିନିଷ ଶିଖାଇଥିବାରୁ ଧନ୍ୟବାଦ ବସ୍ । ମୁଁ ତୁମ ପାଇଁ ଗର୍ବିତ । ପୁରା ସିମ୍ବା ଟିମକୁ ମୋ ତରଫରୁ ଅନେକ ଅନେକ ଧନ୍ୟବାଦ ।’ ସେହିପରି ସେ ଭିଡିଓ ପୋଲିସ ୟୁନିଫର୍ମରେ ଦେଖାଯାଉଛନ୍ତି ।
ପ୍ରକାଶ ଥାଉକି ରୋହିତ ଓ ରଣବୀର ‘ସିମ୍ବା’ ବ୍ୟତୀତ ଆଉ ଏକ ଫିଲ୍ମ ‘ସର୍କସ’ରେ ବର୍ତ୍ତମାନ କାମ କରୁଛନ୍ତି । ଫିଲ୍ମରେ ଡବଲ ରୋଲରେ ନଜର ଆସିବେ ରଣବୀର । ଆଉ ତାଙ୍କ ସହ ପ୍ରଥମଥର କାମ କରିବାକୁ ଯାଉଛନ୍ତି ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଡେଜ ଓ ପୂଜା ହେଗଡେ । ସେହିପରି ରୋହିତଙ୍କ ବହୁଚର୍ଚ୍ଚିତ ଫିଲ୍ମ ‘ସୂର୍ଯ୍ୟବଂଶୀ’ ମଧ୍ୟ ଖୁବଶୀଘ୍ର ରିଲିଜ ହେବାକୁ ଯାଉଛି । ଯେଉଁଥିରେ ଆକ୍ସନର ତଡକା ଲଗାଇବେ ଖିଲାଡି ଅକ୍ଷୟ କୁମାର । ତାଙ୍କ ସହ ଅତିଥି ଅଭିନେତା ରୂପେ ଅଜୟ ଦେବଗନ ଓ ରଣବୀର ମଧ୍ୟ ନଜର ଆସିବେ ।
@IANS
