ମୁମ୍ବାଇ: କ୍ୟୁଟ ଆକ୍ଟର କାର୍ତ୍ତିକ ଆର୍ୟନଙ୍କ ଚର୍ଚ୍ଚିତ ଫିଲ୍ମ ‘ଧମାକା’ ଓଟିଟି ପ୍ଲାଟଫର୍ମରେ ନେଟଫ୍ଲିକ୍ସରେ ରିଲିଜ ହେବାକୁ ଯାଉଛି । ଫିଲ୍ମରେ କାର୍ତ୍ତିକ ଜଣେ ସାମ୍ବାଦିକ ଭୂମିକାରେ ଅଭିନୟ କରୁଥିବାର ଦେଖାଯିବେ । ରାମ ମାଧବାନୀଙ୍କ ଫିଲ୍ମ ‘ଧମାକା’କୁ ନେଟଫ୍ଲିକ୍ସ ଦ୍ବାରା କିଣାଯାଇଥିବାର ଖବର ବର୍ତ୍ତମାନ ଚର୍ଚ୍ଚାରେ । ଇତିମଧ୍ୟରେ ଫିଲ୍ମର ଡବିଂ ଶେଷ କରିଛନ୍ତି ଅଭିନେତା । ମହାରାଷ୍ଟ୍ରର ଜନତା କର୍ଫ୍ୟୁ ପୂର୍ବରୁ ଡବିଂ ଶେଷ କରି ଖୁସି ନଜର ଆସୁଛନ୍ତି ସେ ।
- " class="align-text-top noRightClick twitterSection" data="
">
ଆଉ ଇନଷ୍ଟାଗ୍ରାମରେ ଫଟୋ ପୋଷ୍ଟ କରି ଏହାର ସୂଚନା ସେ ଫ୍ୟାନ୍ସଙ୍କୁ ଦେଇଛନ୍ତି । ଯେଉଁଥିରେ ଦେଖିବାକୁ ମିଳୁଛି ଡବିଂ ଷ୍ଟୁ଼ଡିଓରେ ସେ ଠିଆ ହୋଇ ସ୍କ୍ରିପ୍ଟ ପଢୁଥିବାର । ସେହିପରି ଏହାର କ୍ୟାପସନରେ ମଜାଦାର ଅନ୍ଦାଜରେ ସେ ଲେଖିଛନ୍ତି, ‘ଡବ୍ ଖତମ୍ ଲକଡାଉନ ସୁରୁ । ଧମାକା’ ନିକଟରେ ଫିଲ୍ମର ଦମଦାର ଟିଜର ରିଲିଜ ହୋଇଥିଲା । ଯେଉଁଥିରେ ଅର୍ଜୁନ ପାଠକ ଭୂମିକାରେ କାର୍ତ୍ତିକଙ୍କ ଝଲକ ଦେଖିବାକୁ ମିଳିଥିଲା ।
ପ୍ରକାଶ ଥାଉକି ନେଟଫ୍ଲିକ୍ସ ଫିଲ୍ମର ଷ୍ଟ୍ରିମିଂ ରାଇଟ୍ସକୁ 135 କୋଟି ଟଙ୍କାରେ କିଣିଛି । ଯାହା କାର୍ତ୍ତିକଙ୍କ ପାଇଁ ଏକ ଗେମଚେଞ୍ଜିଙ୍ଗ ପ୍ରମାଣିତ ହୋଇପାରେ ।
