ମୁମ୍ବାଇ: ଗତ 19 ତାରିଖରେ ମୋହନାଲାଲଙ୍କ ଅଭିନୀତ ଫିଲ୍ମ ‘ଦୃଶ୍ୟମ 2’ ରିଲିଜ ହୋଇଥିଲା । ଫିଲ୍ମଟିକୁ ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ରିଲିଜ କରାଯାଇଥିଲା । ଏହି ଫିଲ୍ମର ହିନ୍ଦୀ ରିମେକ ମଧ୍ୟ ଦେଖିସାରିଛନ୍ତି ଦର୍ଶକ । ଯେଉଁଥିରେ ବି-ଟାଉନର ସିଂଘମ ଅଜୟ ଦେବଗନ ଓ ତବ୍ବୁଙ୍କ ଜବରଦସ୍ତ ଅଭିନୟ ଦେଖିବାକୁ ମିଳିଥିଲା । ଇତିମଧ୍ୟରେ ଏହାର ହିନ୍ଦୀ ସିକ୍ବେଲକୁ ନେଇ ଚର୍ଚ୍ଚା ।
ଯଦି ସବୁ କିଛି ଠିକ୍ ରହିଲା ତେବେ ‘ଦୃଶ୍ୟମ 2’ରେ ମଧ୍ୟ ଅଭିନୟ କରିବେ ଅଜୟ ଓ ତବ୍ବୁ। ସେହିପରି ମାଲାୟାଲମ୍ ପ୍ରଯୋଜକ କୁମାର ମଙ୍ଗତ ହିନ୍ଦୀ ‘ଦୃଶ୍ୟମ 2’ର ପ୍ରଯୋଜନା କରିବେ ବୋଲି ଶୁଣିବାକୁ ମିଳୁଛି ।
ଖାଲି ଏତିକି ନୁହେଁ ଅଜୟ ଏବଂ ତବ୍ବୁ ମୁଖ୍ୟ ଭୂମିକାରେ ଅଭିନୟ କରିବାକୁ ସହମତ ଅଛନ୍ତି। ବାଲାନ୍ସ କାଷ୍ଟ ଏପର୍ଯ୍ୟନ୍ତ ସ୍ଥିର ହୋଇନାହିଁ। ମୂଳ ପ୍ରଯୋଜକଙ୍କ ଠାରୁ ଅଧିକାର କିଣିବାର କାଗଜପତ୍ର ପ୍ରାୟ ହୋଇସାରିଛି। ହେଲେ ଅଜୟ ଓ ତବ୍ବୁ ଫିଲ୍ମକୁ ନେଇ ଏଯାବତ କୌଣସି ଘୋଷଣା କରିନାହାଁନ୍ତି।
