ମୁମ୍ବାଇ: ମଡେଲ ତଥା ଅଭିନେତ୍ରୀ ପୁନମ ପାଣ୍ଡେଙ୍କ ସ୍ବାମୀ ଗିରଫ । ପୁନମ ସ୍ବାମୀଙ୍କ ନାମରେ ଆକ୍ରମଣ ଅଭିଯୋଗ କରିବା ପରେ ମୁମ୍ବାଇ ପୋଲିସ ଗତକାଲି(ସୋମବାର) ତାଙ୍କୁ ଗିରଫ କରିଛି ।
ମୁମ୍ବାଇ ପୋଲିସର କହିବା ଅନୁସାରେ ପୁନମ ପାଣ୍ଡେଙ୍କ ସ୍ବାମୀ ସାମ ବମ୍ବେ ତାଙ୍କୁ ଆକ୍ରମଣ କରିଥିଲେ । ସେ ଏନେଇ ଥାନାରେ ଅଭିଯୋଗ କରିବା ପରେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ତାଙ୍କର ମୁଣ୍ଡ ଏବଂ ଆଖିରେ ଗଭୀର ଆଘାତ ଲାଗିଛି । ଅଭିଯୋଗ ପରେ ସାମଙ୍କ ନାମରେ ମାମଲା ରୁଜୁ କରାଯାଇ ଭାରତୀୟ ପିଙ୍ଗଳ କୋର୍ଟ ଆଧାରରେ ତାଙ୍କୁ ଗିରଫ କରାଯାଇଛି । ମାମଲା ଅଧିକ ତଦନ୍ତ ଜାରି ରହିଥିବା ପୋଲିସ କହିଛି ।
ତେବେ ପୁନମ ସ୍ବାମୀଙ୍କ ନାଁରେ ଅଭିଯୋଗ କରିବା ଏହା ପ୍ରଥମ ନୁହେଁ । ଗତ ବର୍ଷ ସେମାନଙ୍କ ବିବାହର କିଛି ଦିନ ପରେ ପୁନମ ଗୋଆରେ ଅଭିଯୋଗ କରିଥିଲେ ଯେ, ସାମ ତାଙ୍କୁ ଅସଦାଚରଣ, ଆକ୍ରମଣ ଏବଂ ହତ୍ୟା ଧମକ ମଧ୍ୟ ଦେଇଥିଲେ । ଦକ୍ଷିଣ ଗୋଆର କାନାକୋନା ଗ୍ରାମରେ ସୁଟିଂ ଚାଲିଥିବା ସମୟରେ ସାମ ତାଙ୍କୁ ଆକ୍ରମଣ କରିଥିବା ନେଇ ସେ ଥାନାରେ ଅଭିଯେଗ କରିଥିଲେ । ଅଭିଯୋଗ ପରେ ସାମ ବମ୍ବେଙ୍କୁ ଗୋଆ ପୋଲିସ ଅଟକ ରଖି ପଚରା ଉଚରା କରି ଗୋଟିଏ ଦିନ ପରେ ଜାମିନରେ ଛାଡି ଦେଇଥିଲା । ସେହି ସମୟରେ ପୁନମ ସାମଙ୍କ ଠାରୁ ଅଲଗା ରହିବାକୁ ଚାହୁଁଥିବା କହିଥିଲେ ।
ତେବେ ଗତବର୍ଷ ଜୁଲାଇ ୨୭ରେ ମଡେଲ୍ ତଥା ଅଭିନେତ୍ରୀ ପୁନମ ସାମଙ୍କ ସହ ନିର୍ବନ୍ଧ କରିଥିବା ନେଇ ଫଟୋ ସେୟାର କରିଥିଲେ । ପରେ ସେପ୍ଟେମ୍ବର ୧୦ ରେ ଉଭୟଙ୍କ ବିବାହ ହୋଇଥିଲା ।
@ANI
