ମୁମ୍ବାଇ: ସୁଶାନ୍ତ ସିଂ ରାଜପୁତ ମାମଲାରେ ସନ୍ଦେହ ଘେରରେ ଥିବା ରିଆ ଚକ୍ରବର୍ତ୍ତୀ ନିକଟରେ ଏକ ସାକ୍ଷାତକାରରେ ୟୁରୋପ ଟ୍ରିପ ବିଷୟରେ ଖିଲାସା କରି ଅନେକ କଥା କହିଥିଲେ । ସେ ଜଣାଇଥିଲେ ଯେ ସୁଶାନ୍ତ ୟୁରୋପ ଟ୍ରିପରେ ଯିବା ପୂର୍ବରୁ ବହୁତ ଖୁସି ଥିଲେ । ହେଲେ ପ୍ୟାରିସରେ ପହଞ୍ଚିବା ପରେ ସେ ହୋଟେଲରୁ ତିନି ଦିନ ବାହାରକୁ ବାହାରିନଥିଲେ । ବର୍ତ୍ତମାନ ଏହି କଥାକୁ ମିଥ୍ୟା ସାବ୍ୟସ୍ତ କରିଛନ୍ତି ସୁଶାନ୍ତଙ୍କ ଜଣେ ଫ୍ୟାନ । ସେ ସୋସିଆଲ ମିଡିଆରେ ପ୍ୟାରିସରେ ସୁଶାନ୍ତଙ୍କ ସହ ଉଠାଇଥିବା ସେଲ୍ଫି ସେୟାର କରି ଚର୍ଚ୍ଚାରେ ।
ଫଟୋ ସୋସିଆଲ ମିଡିଆରେ ସେୟାର କହି ସେହି ଫ୍ୟାନ ଲେଖିଛନ୍ତି, ‘ସୁଶାନ୍ତ ଓ ରିଆଙ୍କ ସହ 2019 ଅକ୍ଟୋବର 7 ତାରିଖରେ ପ୍ୟାରିସର sacre-coeurରେ ମୋର ସାକ୍ଷାତ ହୋଇଥିଲା । ଯେବେ ମୁଁ ସୁଶାନ୍ତଙ୍କୁ ସେଲ୍ଫି ପାଇଁ କହିଥିଲି ।’
ପ୍ରକାଶ ଥାଉକି ସୁଶାନ୍ତ ମଧ୍ୟ ସୋସିଆଲ ମିଡିଆରେ ୟୁରୋପ ଟ୍ରିପର ଗୋଟିଏ ଭିଡିଓ ସେୟାର କରିଥିଲେ । ଯାହା ବର୍ତ୍ତମାନ ଖୁବ୍ ଭାଇରାଲ ହେଉଛି । ଭିଡିଓରେ ଡିଜନିଲ୍ୟାଣ୍ଡରେ ମସ୍ତି କରୁଥିବାର ନଜର ଆସିଥିଲେ ସେ । ଯଦି ରିଆଙ୍କ ସାକ୍ଷାତକାର ବିଷୟରେ କଥା ହେବା, ତେବେ ସେ ଏହା ମଧ୍ୟ କହିଥିଲେ ଯେ ସୁଶାନ୍ତ ଫ୍ଲାଇଟରେ ବସିବାକୁ ଡରନ୍ତି, ଯାହା ପାଇଁ ସେ ଏକ ମେଡିସନ ଖାଉଥିଲେ । ଯାହାକୁ ନେଇ ଏବେ ଚର୍ଚ୍ଚା ।
