ମୁମ୍ବାଇ: ଇରଫାନ ଖାନ କିଛି ଦିନ ପୂର୍ବରୁ ନିଜର ଆଗାମୀ ଫିଲ୍ମ 'ଇଂରାଜୀ ମିଡିୟମ'ର ସୁଟିଂ ଆରମ୍ଭ କରିଛନ୍ତି । ଏହି ଫିଲ୍ମଟି 2017ରେ ଆସିଥିବା 'ହିନ୍ଦୀ ମିଡିୟମ'ର ସିକ୍ବେଲ ଫିଲ୍ମ । ତାଙ୍କ ସହ 'ଇଂରାଜୀ ମିଡିୟମ'ରେ କରୀନା କପୁର ଖାନ ମୁଖ୍ୟ ଭୂମିକାରେ ନଜର ଆସିବେ ବୋଲି ଅନେକ ଦିନରୁ ଶୁଣିବାକୁ ମିଳୁଛି । ଇତିମଧ୍ୟରେ ଫିଲ୍ମରେ ଆଉ ଜଣେ ଶାନଦାର ଅଭିନେତାଙ୍କ ଏଣ୍ଟ୍ରି ହୋଇଛି ।
ଅଭିନେତା ଜଣକ ହେଲେ ପଙ୍କଜ ତ୍ରିପାଠୀ ଫିଲ୍ମରେ କେମିୟୋ କରୁଥିବାର ନଜର ଆସିବେ । ଏହି ଅବସରରେ ସେ ନିଜ ରୋଲ ବିଷୟରେ କହିଛନ୍ତି କି ଫିଲ୍ମରେ ତାଙ୍କର କେମିୟୋ ହେବାକୁ ଯାଉଛି । ସେ ଫିଲ୍ମରେ ଅଭିନୟ କରିବାକୁ କେବଳ ଇରଫାନ ଓ ଦିନେଶଙ୍କ ପାଇଁ ରାଜି ହୋଇଛନ୍ତି । କାରଣ ତାଙ୍କ ମନରେ ସବୁବେଳେ ଇରଫାନଙ୍କ ପାଇଁ ସମ୍ମାନ ଏବଂ ସ୍ନେହ ରହିଛି । ଅନ୍ୟପଟେ ଦିନେଶ ମଧ୍ୟ ତାଙ୍କ ଭଲ ବନ୍ଧୁ ପରି । ସେ ଦୀର୍ଘ ସମୟରୁ ଇରଫାନଙ୍କ ସହ କାମ କରିବାକୁ ଚାହୁଁ ଆସୁଥିଲେ । ଏବେ ତାଙ୍କୁ ଏହାର ସୁଯୋଗ ମିଳିଛି ।
ଦିନେଶଙ୍କ ଦ୍ବାରା ନିର୍ମିତ ଏହି ଫିଲ୍ମର ନିର୍ଦ୍ଦେଶନା ହୋମୀ ଅଦାଜାନିୟା କରୁଛନ୍ତି । ଏଥିରେ ଦୀପକ ଡୋବରିୟାଲ ଏବଂ ରାଧିକା ମଦାନ ମଧ୍ୟ ନଜର ଆସିବେ । 'ଇଂରାଜୀ ମିଡିୟମ' ପୂର୍ବରୁ ପଙ୍କଜ, ଦିନେଶଙ୍କ ସହ 'ସ୍ତ୍ରୀ' ଏବଂ 'ଲୁକା ଛୁପ୍ପି'ରେ କାମ କରିସାରିଛନ୍ତି । ବର୍ତ୍ତମାନ ଉଦୟପୁରରେ ଫିଲ୍ମର ସୁଟିଂ ଚାଲିଛି ।
