ନୂଆଦିଲ୍ଲୀ: ପାକିସ୍ତାନୀ ଅଭିନେତ୍ରୀ ମାହିରା ଖାନ କୋରୋନା ସଂକ୍ରମିତ ହୋଇଥିବା ଜଣାପଡିଛି । ରବିବାର ଦିନ ମାହିରା ନିଜେ ଏହି ବିଷୟରେ ସୂଚନା ଦେଇଛନ୍ତି ।
'ହମସଫର', 'ସଦକେ ତୁମ୍ବାରେ' ଏବଂ 'ବୋଲ' ଏବଂ 'ବିନ୍ ରୋଏ' ଭଳି ଚଳଚ୍ଚିତ୍ର ପାଇଁ ଫେମସ ଅଭିନେତ୍ରୀ କହିଛନ୍ତି ଯେ, କୋଭିଡ -19 ସଂକ୍ରମିତ ହେବା କଷ୍ଟକର କିନ୍ତୁ ଆଶା କରୁଛି ମୁଁ ଶୀଘ୍ର ସୁସ୍ଥ ହୋଇଯିବି।
ମାହିରା ଲେଖିଛନ୍ତି, 'ମୁ୍ଁ କୋଭିଡ -19 ସଂକ୍ରମିତ ହୋଇଛି । ମୁଁ ବର୍ତ୍ତମାନ ହୋମ ଆଇସୋଲେସନରେ ଅଛି ଏବଂ ଗତ କିଛି ଦିନ ମଧ୍ୟରେ ମୋ ସହିତ ଯୋଗାଯୋଗରେ ଥିବା ଲୋକ ନିଜର କୋରୋନା ଟେଷ୍ଟ କରିବାକୁ ମୁଁ ଅନୁରୋଧ କରୁଛି । ଏହା କଷ୍ଟସାଧ୍ୟ, ମୁଁ ଶୀଘ୍ର ସୁସ୍ଥ ହୋଇଯିବି, ଇନଶା ଆଲ୍ଲା ।
ଏଥିସହିତ ଅଭିନେତ୍ରୀ ସମସ୍ତଙ୍କୁ ମାସ୍କ ପିନ୍ଧିବାକୁ ଏବଂ ଅନ୍ୟ ସମସ୍ତ ସୁରକ୍ଷା ନିର୍ଦ୍ଦେଶାବଳୀ ଅନୁସରଣ କରିବାକୁ ଲୋକଙ୍କୁ ଅନୁରୋଧ କରିଛନ୍ତି।
ପ୍ରକାଶ ଥାଉ ଯେ, ମାହିରା ନିକଟରେ ଲାହୋରରେ ତାଙ୍କର ଆଗାମୀ ଚଳଚ୍ଚିତ୍ର 'ନିଲୋଫର'ର ସୁଟିଂ ଶେଷ କରିଛନ୍ତି।
