ମୁମ୍ବାଇ: ଅନୁଷ୍କା ଶର୍ମାଙ୍କ ପ୍ରଯୋଜନାରେ ପ୍ରଯୋଜିତ ହୋଇଥିବା ୱେବ ସିରିଜ ‘ପାତାଲ ଲୋକ’ ରିଲିଜ ହୋଇଯାଇଛି। ନିକଟରେ ରିଲିଜ ହୋଇଥିବା ଏହାର ଲୋମହର୍ଷଣକାରୀ ଟ୍ରେଲରକୁ ଦେଖି ଦର୍ଶକ ଖୁବ୍ ଉତ୍ସାହିତ ଥିଲେ ସିରିଜ ଦେଖିବାକୁ । ଏବେ ଦର୍ଶକଙ୍କ ଅପେକ୍ଷାର ଅନ୍ତ ଘଟିଛି। ଆଉ ସୋସିଆଲ ମିଡିଆରେ ଏହି ସିରିଜର ଗୁଣଗାନ କରିବାରେ ଲାଗିଛନ୍ତି ଦର୍ଶକ।
ଜୟଦୀପ ଅହଲାଭତ ଓ ଅଭିଷେକ ବାନାର୍ଜୀ ଷ୍ଟାରର ଏହି ସିରିଜ କ୍ରାଇମ, ଫେକ ନ୍ୟୁଜ, ଆତଙ୍କବାଦ ଓ ଅନ୍ୟ ସାମାଜିକ ପ୍ରସଙ୍ଗକୁ ନେଇ ଆଧାରିତ। ‘ପାତାଲ ଲୋକ’କୁ ନେଇ ଟ୍ବିଟରରେ ଦର୍ଶକଙ୍କ ଶାନଦାର ପ୍ରତିକ୍ରିୟା ଦେଖିବାକୁ ମିଳୁଛି।
କିଛି ୟୁଜର୍ସ ଏହାର କଣ୍ଟେଣ୍ଟର ପ୍ରଶଂସା କରୁଥିବା ବେଳେ ଆଉ କିଛି ସିରିଜର ଷ୍ଟାରକାଷ୍ଟଙ୍କ ଅଭିନୟର ଖୁବ୍ ପ୍ରଶଂସା କରିବାରେ ଲାଗିଛନ୍ତି । ବର୍ତ୍ତମାନ #PaatalLok ଟ୍ବିଟରରେ ଟ୍ରେଣ୍ଡ ମଧ୍ୟ କରୁଛି । ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ଆଜିଠୁ(ଶୁକ୍ରବାର) ଏହାର ଷ୍ଟ୍ରିମିଂ ଆରମ୍ଭ ହୋଇଛି।
