ମୁମ୍ବାଇ: ନୀତିନ କକ୍କଡଙ୍କ ଆଗାମୀ ଫିଲ୍ମ 'ନୋଟବୁକ' ଜରିଆରେ ବଲିଉଡରେ ଦୁଇ ନୂଆ ଚେହେରା ନଜର ଆସିବାକୁ ଯାଉଛି । ଫିଲ୍ମଟିକୁ ପ୍ରଯୋଜନା କରିଛି ସଲମାନ ଖାନଙ୍କ ପ୍ରଡକ୍ସନ ହାଉସ । ଫିଲ୍ମରେ ମୁଖ୍ୟ ଭୂମିକାରେ ଦେଖାଯିବେ ଜାହୀର ଇକବାଲ ଓ ପ୍ରନୂତନ । ଇତିମଧ୍ୟରେ ଫିଲ୍ମର ଏକ ପ୍ରମୋଶନାଲ ଭିଡିଓ ଜାରି ହୋଇଛି ।
ଏହି ଭିଡିଓରେ ଜାହୀର ଏବଂ କିଛି ପିଲାଙ୍କ କେମେଷ୍ଟ୍ରି ଦେଖିବାକୁ ମିଳିବ । ଭିଡିଓରେ ଜାହୀରଙ୍କ ସହ କିଛି ପିଲା କମେଡି କରୁଥିବାର ମଧ୍ୟ ନଜର ଆସୁଛନ୍ତି ।
ଏହାପୂର୍ବରୁ ନିର୍ମାତା ଏକ ଭିଡିଓ ସେୟାର କରିଥିଲେ । ଯାହା 'ବୁମରୋ' ଗୀତର ମେକିଂ ଭିଡିଓ ଥିଲା । କଶ୍ମୀରର ପୃଷ୍ଠଭୂମି କାହାଣୀ ଉପରେ ଆଧାରିତ 'ନୋଟବୁକ' ଦର୍ଶକଙ୍କୁ ଏକ ରୋମାଣ୍ଟିକ ଯାତ୍ରାରେ ନେଇଯିବ । ଯାହାକୁ ଦେଖି ଆପଣଙ୍କ ମନରେ ମଧ୍ୟ ନିହାତି ପ୍ରଶ୍ନ ଉଙ୍କିମାରିବ କି କଣ ଆପଣ ମଧ୍ୟ ଏପରି ମଣିଷଙ୍କ ପ୍ରେମରେ ପଡିପାରିବେ, ଯାହାକୁ ଆପଣ କେବେ ଦେଖିନଥିବେ । ଫିଲ୍ମଟି ମାର୍ଚ୍ଚ 29ରେ ରିଲିଜ ହେବାକୁ ଯାଉଛି ।
