ମୁମ୍ବାଇ: ବାହୁବଳୀ ତଥା ସୁପରଷ୍ଟାର ପ୍ରଭାସଙ୍କ ସୀତା ସାଜିବେ ଅଭିନେତ୍ରୀ କ୍ରିତି ସାନନ । ସାଉଥର ଅପକମିଂ ବିଗ ବଜେଟ୍ ଫିଲ୍ମ ଆଦିପୁରୁଷରେ ପ୍ରଭାସଙ୍କ ବିପକ୍ଷରେ ନଜର ଆସିବେ କ୍ରିତି । ପ୍ରଭାସଙ୍କ ଏହି ଫିଲ୍ମ ଖୁବଶୀଘ୍ର ଦର୍ଶକଙ୍କ ନିକଟତର ହେବ ବୋଲି ଜଣାପଡିଛି ।
ଦୀର୍ଘ ଦିନ ଧରି ଦୀପିକା ପାଦୁକୋନ ଏହି ପ୍ରୋଜେକ୍ଟର ଅଂଶ ହେବେ ବୋଲି ଶୁଣିବାକୁ ମିଳୁଥିବାବେଳେ, ସର୍ବଶେଷରେ ଚଳଚ୍ଚିତ୍ର ନିର୍ମାତା ଏଥିପାଇଁ କ୍ରିତିଙ୍କୁ ବାଛିଛନ୍ତି ।
- " class="align-text-top noRightClick twitterSection" data="
">
କେବଳ ଦୀପିକା ନୁହଁନ୍ତି, ଏହି ଫିଲ୍ମରେ ପ୍ରଭାସଙ୍କ ସୀତା ଚରିତ୍ରରେ କିଏ ଆସିବ ତାହାକୁ ନେଇ ଦ୍ବନ୍ଦ ଲାଗି ରହିଥିବା ବେଳେ ଅନେକ ଅଭିନେତ୍ରୀଙ୍କ ନାମ ରହିଥିଲା । ସେଥିମଧ୍ୟରୁ ଅନୁଷ୍କା ଶର୍ମା, ଅନୁଷ୍କା ସେଟ୍ଟୀ ଓ କିର୍ତ୍ତି ସୁରେଶଙ୍କ ସମେତ ବଲିଉଡ ଓ ସାଉଥର ଅନେକ ଅଭିନେତ୍ରୀଙ୍କ ନାଁ ଆସିଥିଲେ ବି ନିର୍ମାତାମାନେ କିତ୍ରିଙ୍କୁ ବାଛିଥଲେ । ସେ ସୀତା ଚରିତ୍ର ପାଇଁ ଫିଟ୍ ବୋଲି ମେକର୍ସ କହିଛନ୍ତି ।
ସେପଟେ ପ୍ରଭାସ ରାମ ଭୂମିକାରେ ଓ ସୈଫ ଅଲ୍ଲୀ ଖାନ୍ ଫିଲ୍ମରେ ଭିଲେନ୍ ଭୂମିକାରେ ନଜର ଆସିବେ। ପ୍ରକାଶ ଥାଉ ଯେ, ‘ଆଦିପୁରୁଷ’ ଫିଲ୍ମ ହିନ୍ଦୀ ଓ ତେଲୁଗୁ ଭାଷାରେ ସୁଟିଂ ହେବ । ଏହାକୁ ପରେ ତାମିଲ, ମାଲାୟଲମ, କନ୍ନଡ଼ ଓ ଅନେକ ଅନ୍ତରାଷ୍ଟ୍ରୀୟ ଭାଷାରେ ଡବ କରି ରିଲିଜ କରାଯିବ । ଫିଲ୍ମ ଏବେ ପ୍ରି ପ୍ରଡକ୍ସନ ଷ୍ଟେଜରେ ଥିବାବେଳେ ୨୦୨୧ ଜାନୁଆରୀରେ ସୁଟିଂ ଆରମ୍ଭ ହେବ । ଓମ୍ ରାଉତଙ୍କ ନିର୍ଦ୍ଦେଶନାରେ ପ୍ରସ୍ତୁତ ହେବାକୁ ଥିବା ‘ଆଦିପୁରୁଷ’ ୨୦୨୨ ଅଗଷ୍ଟ ୧୧ରେ ରିଲିଜ ହେବ ।
