ମୁମ୍ବାଇ: ବିଶିଷ୍ଟ ଅଭିନେତ୍ରୀ ନୀନା ଗୁପ୍ତା ବର୍ତ୍ତମାନ ଖୁବ୍ ବ୍ୟସ୍ତ ଅଛନ୍ତି । ତାଙ୍କ ପାଖରେ ଏବେ ଅନେକ ଫିଲ୍ମ ଅଛି । ଆସନ୍ତା କାଲି(ଶୁକ୍ରବାର) ରିଲିଜ ହେବାକୁ ଯାଉଥିବା ‘ପଙ୍ଗା’ରେ ମଧ୍ୟ ସେ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମରେ କଙ୍ଗନା ରଣାୱତ ଓ ରିଚା ଚଡ୍ଡାଙ୍କ ଦମଦାର ଅଭିନୟ ଦେଖିବାକୁ ପାଇବେ ଦର୍ଶକ । ଯାହାର ପ୍ରମୋଶନରେ ଖୁବ୍ ବ୍ୟସ୍ତ ଷ୍ଟାରକାଷ୍ଟ । ନିକଟରେ ‘ପଙ୍ଗା’ର ପ୍ରମୋଶନରେ ପହଞ୍ଚିଥିଲେ ନୀନା । ଏହି ପ୍ରମୋଶନରେ ସେ ଅନେକ କଥା ସେୟାର କରିଥିବାର ନଜର ଆସିଥିଲେ ।
- " class="align-text-top noRightClick twitterSection" data="
">
ପ୍ରମୋଶନରେ ନୀନା ଏକ କବିତା ମଧ୍ୟ ସମସ୍ତଙ୍କୁ ଶୁଣାଇଥିଲେ । ଆଉ କହିଥିଲେ ବର୍ତ୍ତମାନ ତାଙ୍କର ଟାଇମ ଆସିଯାଇଛି । ଏବେ ଭାବୁଛନ୍ତି ଯେ ତାଙ୍କ ଟାଇମ ତାଙ୍କୁ ଛାଡି କେବେ ଯାଇଥିଲା ଯେ ? ସେ ନିଜେ ହିଁ କାମରୁ ଛୁଟି ନେଇଥିଲେ । କାମ ଉପରେ ଧ୍ୟାନ ଆଦୌ ଦେଇନଥିଲେ । ଏବେ ସେ ବହୁତ ଖୁସି ଅଛନ୍ତି କି ତାଙ୍କୁ ବର୍ତ୍ତମାନ ଖୁବ୍ କାମ ମିଳିବାରେ ଲାଗିଛି ।
ପ୍ରକାଶ ଥାଉକି ‘ପଙ୍ଗା’ ଫିଲ୍ମରେ କଙ୍ଗନାଙ୍କ ମା' ସାଜିଛନ୍ତି ନୀନା । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ଫେମସ ନିର୍ଦ୍ଦେଶିକା ଅଶ୍ବିନୀ ଆୟ୍ୟର ତିୱାରୀ । ‘ପଙ୍ଗା’ ବ୍ୟତୀତ ନୀନା ଖୁବଶୀଘ୍ର ଟ୍ୟାଲେଣ୍ଟଟେଡ ଆକ୍ଟର ଆୟୁଷ୍ମାନ ଖୁରାନାଙ୍କ ଆଗାମୀ ଫିଲ୍ମ ଶୁଭ ମଙ୍ଗଲ ଜ୍ୟାଦା ସାବଧାନରେ ମଧ୍ୟ ନଜର ଆସିବେ । ଏହି ଫିଲ୍ମରେ ପୁଣି ଦର୍ଶକ ବଧାଇ ହୋ ଷ୍ଟାରକାଷ୍ଟକୁ ଦେଖିବାକୁ ପାଇବେ । ନିକଟରେ ରିଲିଜ ହୋଇଥିବା ଏହାର ଟ୍ରେଲର ଦର୍ଶକଙ୍କ ଖୁବ୍ ମନ କିଣିଛି । ଫିଲ୍ମରେ ଆୟୁଷ୍ମାନ ସମଲିଙ୍ଗୀ ଭୂମିକାରେ ନଜର ଆସିବେ ।
