ମୁମ୍ବାଇ: କୋରୋନା ସଙ୍କଟ ଘଡିରେ ସଙ୍କଟମୋଚନ ସାଜିଛନ୍ତି ସୋନୁ ସୁଦ । ପୁଣି ସହଯୋଗର ହାତ ବଢାଇଲେ ବଲିଉଡର ଏହି ଅଭିନେତା ।
ବାସ୍ତବରେ, ଜାନୁଆରୀରେ ଜାତୀୟ କରାଟେ ଆଥଲେଟ୍ ବିଜୟନ୍ଦ୍ର କୌରଙ୍କ ଲିଗାମେଣ୍ଟ ଭାଙ୍ଗି ଯାଇଥିଲା। ସେ ଅନେକ ଜଣାଶୁଣା ଡାକ୍ତରଙ୍କୁ ଦେଖାଇଥିଲେ କିନ୍ତୁ କରୋନା କାରଣରୁ ପରିବାରର ଆର୍ଥିକ ଅବସ୍ଥା ଖରାପ ଥିବାରୁ ସେ ଚିକିତ୍ସା ପାଇପାରିନଥିଲେ। ସେ ଅନେକ ଲୋକଙ୍କ ସାହାଯ୍ୟ ପାଇଁ ମଧ୍ୟ ନିବେଦନ କରିଥିଲେ କିନ୍ତୁ ତାଙ୍କୁ ସାହାଯ୍ୟ କରିବାକୁ କେହି ଆଗକୁ ଆସିନଥିଲେ । ଯାହା ପରେ ବିଜୟନ୍ଦ୍ର ଟ୍ବିଟର ମାଧ୍ୟମରେ ଫିଲ୍ମ ଅଭିନେତା ସୋନୁ ସୁଦଙ୍କ ସାହାଯ୍ୟ ମାଗିଥିଲେ। ସୋନୁ ବିଜୟନ୍ଦଙ୍କ ଲିଗାମେଣ୍ଟ ଆଘାତ ବିଷୟରେ ସୂଚନା ପାଇବା ମାତ୍ରେ ସେ ଗାଜିଆବାଦର ଫେମସ ଡାକ୍ତର ଅଖିଲେଶ ଯାଦବଙ୍କ ସହିତ ତାଙ୍କ ଅପରେସନ୍ ବିଷୟରେ କଥା ହୋଇଥିଲେ।
ବିଜୟନ୍ଦ୍ରଙ୍କ ଲିଗାମେଣ୍ଟ ଅସ୍ତ୍ରୋପଚାର କରିବା ପରେ ଡାକ୍ତର ଅଖିଲେଶ କହିଛନ୍ତି,ବିଜୟେନ୍ଦ୍ରଙ୍କ ଅସ୍ତ୍ରୋପଚାର ସଫଳ ହୋଇଥିଲା ଏବଂ ଦିନେ କିମ୍ବା ଦୁଇ ଦିନ ମଧ୍ୟରେ ସେ ତାଙ୍କ ପାଦରେ ଚାଲିପାରିବେ । ଅପରେସନ୍ ପରେ ସୋନୁ ଭିଡିଓ କଲ କରି ଡକ୍ଟରଙ୍କ ସହ କଥା ହୋଇ ବିଜୟେନ୍ଦ୍ରଙ୍କ ସ୍ବାସ୍ଥ୍ୟ ବିଷୟରେ ମଧ୍ୟ ପଚାରିଥିଲେ।
