ମୁମ୍ବାଇ: ବିଟାଉନର ଭର୍ସାଟାଇଲ ଆକ୍ଟର ନାସିରୁଦ୍ଦିନ ଶାହ । ତାଙ୍କ ଜନ୍ମ 1949 ମସିହା ଆଜିର ଦିନରେ ହୋଇଥିଲା । ଫିଲ୍ମ ଇଣ୍ଡଷ୍ଟ୍ରିରେ ତାଙ୍କ ଯୋଗଦାନ ସର୍ବଦା ସ୍ମରଣୀୟ । ତେବେ ଆଜିର ଏହି ଦିନରେ ଆସନ୍ତୁ ଜାଣିବା ତାଙ୍କର ସମ୍ପର୍କରେ କିଛି...
ସେ 80 ଦଶକର ସମାନ୍ତରାଳ ଫିଲ୍ମରେ ତାଙ୍କର ଭୂମିକା ଗୁରୁତ୍ବପୂର୍ଣ୍ଣ । ଏହି ଫିଲ୍ମ କରିବାର କିଛି ବର୍ଷ ପରେ ସେ ଇଣ୍ଡଷ୍ଟ୍ରିରେ ଭେଟେରାନ ଅଭିନେତା ନାମରେ ଜଣାଗଲେ ।
ପିଲାଦିନେ ସେ ଖୁବ୍ ଲାଜକୁଳା ସ୍ବଭାବର ଥିଲେ । ଏହାସହ ତାଙ୍କ ଜୀବନ ଖୁବ୍ ସାଧାସିଧା ଥିଲା । ସେ ଜଣେ ଭଲ ଛାତ୍ର ମଧ୍ୟ ନଥିଲେ । ଏହା ସେ ନିଜେ ଅନୁପମ ଖେରଙ୍କ ଶୋ, 'କୁଛ ଭି ହୋ ସକତା ହୈ'ରେ ସ୍ବୀକାର କରିଥିଲେ । ତାଙ୍କୁ କେବଳ ଲିଟ୍ରେଚରରେ ଆଗ୍ରହ ଥିଲା । ଏହା ବ୍ୟତୀତ ତାଙ୍କୁ କୌଣସି ବିଷୟରେ ରୁଚି ନଥିଲା ।
ସେ ଯେବେ ଜାଫ୍ରି କ୍ୟାଣ୍ଡେଲିଙ୍କ ଏକ ଫିଲ୍ମ ଦେଖିଥିଲେ, ସେଥିରୁ ସେ ଖୁବ୍ ପ୍ରଭାବିତ ହୋଇଥିଲେ । ସେ କହିଥିଲେ, ଜାଫ୍ରି ସେକ୍ସପିଅରଙ୍କ ଏକ ଶୋ' ରେ କାମ କରୁଥିଲେ । ତାଙ୍କର ତତ୍କ୍ଷଣାତ ରୂପ-ରଙ୍ଗ ବଦଳାଇବାର କଳା ନାସିରୁଦ୍ଦିନଙ୍କୁ ଖୁବ୍ ପ୍ରେରଣା ଦେଇଥିଲା । ତାଙ୍କୁ ନିଜ ଭିତରେ ଦେଖିବାକୁ ମିଳିଥିଲା ଜଣେ କଳାକାର । ଆଉ ଏହିଠାରୁ ହିଁ ଆରମ୍ଭ ହୋଇଥିଲା ତାଙ୍କର ଅଭିନୟ କ୍ୟାରିୟର ।
ସେ ଅଭିନେତା ହେବାର ଯାତ୍ରା ଆରମ୍ଭ କରିଥିଲେ । ଏହା ମଧ୍ୟରେ ସେ ନ୍ୟାସନାଲ ସ୍କୁଲ ଅଫ୍ ଡ୍ରାମା ଏବଂ ଟେଲିଭିଜନ୍ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆରେ ତାଲିମ ନେବା ଆରମ୍ଭ କରିସାରିଥିଲେ । ଏହାପରେ ବଲିଉଡ ପାଇଁ ସାଜିଥିଲେ ଆର୍ଶୀବାଦ । ଆଉ ଦେଇଥିଲେ ଗୋଟିଏ ପରେ ଗୋଟିଏ ସୁପରହିଟ୍ ଫିଲ୍ମ ।
ଆଜି 70 ବୟସରେ ପାଦ ଦେଇଛନ୍ତି ନାସିରୁଦ୍ଦିନ ଶାହ। ତାଙ୍କ ଜନ୍ମ ଦିନରେ ଇଟିଭି ପରିବାର ତରଫରୁ ଅଶେଷ ଅଶେଷ ଶୁଭେଚ୍ଛା ।
