ମୁମ୍ବାଇ: ବଲିଉଡର ପ୍ରସିଦ୍ଧ କାଷ୍ଟିଂ ନିର୍ଦ୍ଦେଶକ ମୁକେଶ ଛାବ୍ରା, ଯିଏକି ସ୍ୱର୍ଗତ ସୁଶାନ୍ତ ସିଂ ରାଜପୁତଙ୍କ ଶେଷ ଚଳଚ୍ଚିତ୍ର 'ଦିଲ ବେଚାରା'ର ନିର୍ଦ୍ଦେଶକ ଅଟନ୍ତି । ମୁକେଶ ଛାବ୍ରା ଏକ ଭାବପ୍ରବଣ ପୋଷ୍ଟ ଲେଖି ସୁଶାନ୍ତଙ୍କୁ ଅଲବିଦା ଜଣାଇଛନ୍ତି ।
ମୁକେଶ ଟ୍ୱିଟର ମାଧ୍ୟମରେ ସୁଶାନ୍ତଙ୍କ ପ୍ରତି ନିଜର ଭାବନା ପ୍ରକାଶ କରିଛନ୍ତି ଏବଂ ଏକ ଫଟୋ ମଧ୍ୟ ସେୟାର କରିଛନ୍ତି । ଯେଉଁଥିରେ ମୁକେଶ ସୁଶାନ୍ତଙ୍କ ଗାଲରେ କିସ କରୁଥିବାର ଦେଖିବାକୁ ମିଳିଛି ।
-
🙏🏽 bhai mera pic.twitter.com/w4COeU773i
— Mukesh Chhabra CSA (@CastingChhabra) June 15, 2020 " class="align-text-top noRightClick twitterSection" data="
">🙏🏽 bhai mera pic.twitter.com/w4COeU773i
— Mukesh Chhabra CSA (@CastingChhabra) June 15, 2020🙏🏽 bhai mera pic.twitter.com/w4COeU773i
— Mukesh Chhabra CSA (@CastingChhabra) June 15, 2020
ମୁକେଶ ଲେଖିଛନ୍ତି, 'ସୁଶାନ୍ତ ମୋ ଭାଇ ପରି ଥିଲେ, ଏହା ବହୁତ ଦୁଃଖର ବିଷୟ । ସେ ଜଣେ ବହୁତ ବୁଦ୍ଧିମାନ ଏବଂ ଏତେ ପ୍ରତିଭାବାନ ବ୍ୟକ୍ତି ଥିଲେ ଯେ ଶବ୍ଦରେ କହିବା କଷ୍ଟକର । ମୁଁ ତଥାପି ଏହାକୁ ବିଶ୍ବାସ କରିପାରୁ ନାହିଁ ।
ସେ ଆଗକୁ ମଧ୍ୟ ଲେଖିଛନ୍ତି, 'ଇଣ୍ତଷ୍ଟ୍ରି ଏକ ନଗୀନା ଖୋ ଦିଆ, ଏସା ନଗୀନା ଜିସ କି ଜଗା କୋଇ ନେହିଁ ଲେ ସକ୍ତା' । ମୁଁ ଆଶା କରେ ମୋ ଭାଇ ତୁମେ ବର୍ତ୍ତମାନ ଏକ ଭଲ ସ୍ଥାନରେ ଅଛ, ମୁଁ ତୁମକୁ ସବୁବେଳେ ମନେ ରଖିବି । ଲଭ୍ ୟୁ ।
ସୋମବାର ସୁଶାନ୍ତଙ୍କୁ ଭିଲେ ପର୍ଲିର ପୱନ ହନ୍ସ ରେ ଶବଦାହ କରାଯାଇଥିଲା । ଏହି ଅନ୍ତିମ ସଂସ୍କାରରେ ମୁକେଶ ମଧ୍ୟ ଉପସ୍ଥିତ ଥିଲେ ।
ପ୍ରକାଶ ଥାଉ କି, ମୁକେଶ, ସୁଶାନ୍ତଙ୍କ ଶେଷ ଚଳଚ୍ଚିତ୍ର 'ଦିଲ ବେଚାରା'ର ନିର୍ଦ୍ଦେଶନା ଦେଇଛନ୍ତି । ଏହି ରୋମାଣ୍ଟିକ୍ ଡ୍ରାମା ଚଳଚ୍ଚିତ୍ର ହେଉଛି ଜନ୍ ଗ୍ରୀନ୍ ଙ୍କ ଦ୍ୱାରା ଲିଖିତ ପ୍ରସିଦ୍ଧ ଉପନ୍ୟାସ 'ଦ ଫଲ୍ଟ ଇନ୍ ଆଓ୍ବାର ଷ୍ଟାର୍ସ'ର ଏକ ଆଡପସନ ।
