ମୁମ୍ବାଇ: ସାଜିଦ ନାଦିୟାଦୱାଲାଙ୍କ ବହୁ ପ୍ରତିକ୍ଷିତ ମଲ୍ଟି ଷ୍ଟାରର ଫିଲ୍ମ ‘ହାଉସଫୁଲ 4’ ପରଦାରେ ଦେଖିବାକୁ ଯାଉଛନ୍ତି ଦର୍ଶକ । କମେଡିର ଓଭରଡୋଜ ନେଇ ଶୁକ୍ରବାର ରିଲିଜ ହୋଇଯାଇଛି ଫିଲ୍ମର ମସ୍ତିଭରା ଟ୍ରେଲର । ଯାହାକୁ ଦେଖି ଦର୍ଶକ ହସି ହସି ବେହାଲ ହୋଇଯିବେ । ରିଲିଜ ହେବା ମାତ୍ରେ ଟ୍ରେଲରଟି ଏବେ ସୋସିଆଲ ମିଡିଆରେ ଛାଇ ଯାଇଛି ।
- " class="align-text-top noRightClick twitterSection" data="">
ଫିଲ୍ମରେ ଅକ୍ଷୟ କୁମାର, କ୍ରିତି ସାନନ, ବବି ଦେଓଲ, ପୂଜା ହେଗଡେ, ରିତେଶ ଦେଶମୁଖ ଓ କ୍ରିତି ଖରବନ୍ଦାଙ୍କ ନୂଆ ଅବତାର ଦେଖିବାକୁ ମିଳୁଛି । ଫିଲ୍ମରେ ଦୁଇଟି ଯୁଗର କାହାଣୀ ଉପସ୍ଥାପନା କରାଯାଇଛି। ଏହି ପିରିୟଡ ଡ୍ରାମା ଫିଲ୍ମ ଟ୍ରେଲରରେ କଳକାରଙ୍କ ବର୍ତ୍ତମାନ ଜୀବନ ପର୍ଯ୍ୟବେଶିତ ହୋଇଥିବା ବେଳେ 600 ବର୍ଷ ତଳର କାହାଣୀ ମଧ୍ୟ ଦେଖିବାକୁ ମିଳିଛି ।
3 ମିନିଟ 36 ସେକେଣ୍ଡର ଏହି ଟ୍ରେଲର ଆପଣଙ୍କୁ ହସର ଯାତ୍ରା କରାଇବ । ଟ୍ରେଲରକୁ ରିଲିଜ କରି ମେକର୍ସ ଫ୍ୟାନ୍ସଙ୍କ ଉତ୍ସାହ ଦୁଇଗୁଣ ବଢାଇଦେଇଛନ୍ତି । ଫରହାଦ ସାମଜୀଙ୍କ ଦ୍ବାରା ନିର୍ଦ୍ଦେଶିତ ଏହି ଫିଲ୍ମଟି ଅକ୍ଟୋବର 25ରେ ରିଲିଜ ହେବ ।
