ମୁମ୍ବାଇ: ରାଜକୁମାର ରାଓ ଓ ମୌନୀ ରାୟଙ୍କ ଅଭିନୀତ ଫିଲ୍ମ ‘ମେଡ ଇନ ଚାଇନା’ ଆସନ୍ତା ଶୁକ୍ରବାର ରିଲିଜ ହେବାକୁ ପ୍ରସ୍ତୁତ । ପୁଣି ନିଜର ଶାନଦାର କମେଡି ଅନ୍ଦାଜରେ ପରଦାକୁ ଫେରିବେ ରାଜକୁମାର। ଆଉ ତାଙ୍କ ପତ୍ନୀ ରୂପେ ନଜର ଆସିବେ ମୌନୀ । ବର୍ତ୍ତମାନ ଫିଲ୍ମର ପ୍ରମୋଶନରେ ବ୍ୟସ୍ତ ଏହି ଷ୍ଟାର-କାଷ୍ଟ । ଇତିମଧ୍ୟ ରାଜୁକମାର ଓ ମୌନୀଙ୍କ ଏକ ଭିଡିଓ ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳୁଛି । ପ୍ରାୟତଃ ଷ୍ଟାର୍ସଙ୍କ ଅନସ୍କ୍ରିନ ରୋମାନ୍ସ ସବୁବେଳେ ଚର୍ଚ୍ଚାରେ ରୁହେ । କିନ୍ତୁ ଏବେ ରାଜକୁମାର ଓ ମୌନୀଙ୍କ ଅଫସ୍କ୍ରିିନରୋମାନ୍ସ ମଧ୍ୟ ଚର୍ଚ୍ଚାରେ ।
- " class="align-text-top noRightClick twitterSection" data="
">
ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଭିଡିଓରେ ରୋମାନ୍ସ କିଙ୍ଗ ଶାହରୁଖ ଖାନଙ୍କ ଓ କାଜୋଲଙ୍କ ଅବତାରରେ ନଜର ଆସୁଛନ୍ତି ମୌନୀ ଓ ରାଜକୁମାର । ଦୁଇଜଣ ପପୁଲାର ଗୀତ ‘ସୁରଜ ହୁଆ ମଧ୍ୟମ ଚାନ୍ଦ ଜଲନେ ଲଗା’ରେ ରୋମାଣ୍ଟିକ ଡାନ୍ସ କରୁଛନ୍ତି । ଆପଣ ମଧ୍ୟ ଦେଖନ୍ତୁ ଏହି ଭିଡିଓ...
ଯଦି ଫିଲ୍ମ ‘ମେଡ ଇନ ଚାଇନା’ ବିଷୟରେ କଥା ହେବା ତେବେ ଫିଲ୍ମ ଏକ ଗୁଜରାଟୀ ବିଜନେସ ମ୍ୟାନ ରଘୁର କାହାଣୀକୁ ନେଇ ଆଧାରିତ । ଯିଏ ସଂଘର୍ଷ କରି ନିଜ ବିଜନେସ ସ୍ଥାପନ କରିଥିଲେ । ଆଉ କିପରି ତାଙ୍କ ପତ୍ନୀ ରୁକମଣୀ ତାଙ୍କୁ ସବୁ ସମୟରେ ସାଥ ଦେଉଛନ୍ତି ତାହା ନେଇ ପର୍ଯ୍ୟବେଶିତ କାହାଣୀ । ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ମିଖିଲ ମୁସେଲ । ଯିଏ ଗୁଜରାତି ଫିଲ୍ମ ‘ରଙ୍ଗ ସାଇଡ ରାଜୁ’ ପାଇଁ ରାଷ୍ଟ୍ରୀୟ ପୁରସ୍କାରରେ ପୁରସ୍କୃତ ହୋଇଥିଲେ ।
