ମୁମ୍ବାଇ: ତୃତୀୟଥର ପାପା ହେବାକୁ ଯାଉଛନ୍ତି ଅର୍ଜୁନ ରାମପାଲ । ଗତ ମଙ୍ଗଳବାର ଅଭିନେତା ଅର୍ଜୁନ ରାମପାଲ ଇନଷ୍ଟାଗ୍ରାମରେ ଏନେଇ ଘୋଷଣା କରିଛନ୍ତି । ଗର୍ଲଫ୍ରେଣ୍ଡ ଗର୍ଭବତୀ ଥିବା ଖବର ଜାଣିବା ପରେ ତାଙ୍କ ଫ୍ୟାନ୍ସ ଓ ଫଲୋୱର୍ସ ବହୁତ ଖୁସି ହେବା ସହ ସୋସିଆଲ ମିଡିଆରେ ଶୁଭେଚ୍ଛାର ବନ୍ୟା କରିଦେଇଛନ୍ତି । ଏବେ ଅର୍ଜୁନଙ୍କ ପୂର୍ବତନ ପତ୍ନୀ ମେହର ଜେସିୟାଙ୍କ ପ୍ରତିକ୍ରିୟା ସାମ୍ନାକୁ ଆସିଛି ।
ଗତ ବର୍ଷ ଅର୍ଜୁନଙ୍କ ଠାରୁ ଅଲଗା ହୋଇଥିବା ମେହର ମଧ୍ୟ ଅର୍ଜୁନଙ୍କ ପିତା ହେବା ଖବରରେ ବହୁତ ଖୁସି ଅଛନ୍ତି । ସେ ଅର୍ଜୁନଙ୍କୁ ଏହାର ଶୁଭେଚ୍ଛା ଜଣାଇଛନ୍ତି । ଅନ୍ୟପଟେ ଜଣାଇ ଦେଉଛୁ ଯେ ବିବାହର 20 ବର୍ଷ ପରେ ଅର୍ଜୁନ ଓ ମେହର ଅଲଗା ହୋଇଥିଲେ । କିନ୍ତୁ ଏଯାବତ ଦୁଇଜଣ ଅଧିକାରୀକ ରୂପେ ଛାଡପତ୍ର ନେଇନାହାଁନ୍ତି ।
ପ୍ରକାଶ ଥାଉକି ଅର୍ଜୁନ ଓ ଗାବ୍ରିଏଲାଙ୍କ ବିବାହ ଏଯାବତ ହୋଇନାହିଁ । ପତ୍ନୀଙ୍କ ଠାରୁ ଅଲଗା ହେବା ପରେ ଅର୍ଜୁନ ଗାବ୍ରିଏଲାଙ୍କ ସହ ରହିବା ଆରମ୍ଭ କରିଦେଇଥିଲେ ।
