ହାଇଦ୍ରାବାଦ: 2017ରେ ମିସୱାର୍ଲ୍ଡର ତାଜ ଜିତିଥିବା ମାନୁଷୀ ଚିଲ୍ଲର ଏବେ ବଲିଉଡରେ ଡେବ୍ୟୁ କରିବେ । ରିପୋର୍ଟ ଅନୁସାରେ, ପୃଥ୍ବୀରାଜ ଚୌହାନଙ୍କ ବାୟୋପିକରେ ଅକ୍ଷୟଙ୍କ ସହ ରୋମାନ୍ସ କରିବେ ମାନୁଷୀ । ତେବେ ମିସୱାର୍ଲ୍ଡ ହେଲା ଦିନଠୁ ବଲିଉଡକୁ ଏଣ୍ଟ୍ରି କରିପାରନ୍ତି ବୋଲି ଶୁଣାଯାଉଥିଲା କିନ୍ତୁ ବଲିଉଡରେ ପାଦ ଦେଇନଥିଲେ ମାନୁଷୀ ।
ଏହି ଐତିହାସିକ ଡ୍ରାମା ଫିଲ୍ମକୁ ନିର୍ଦ୍ଦେଶନା ଦେବେ ଚନ୍ଦ୍ରପ୍ରକାଶ ଦ୍ବିବେଦୀ । ୟଶରାଜ ଫିଲ୍ମ ଏହାକୁ ପ୍ରଯୋଜନା କରିବ । ମାନୁଷୀ ଏଥିରେ ପୃଥ୍ବୀରାଜଙ୍କ ପତ୍ନୀ ସଂଯୁକ୍ତାଙ୍କ ଚରିତ୍ରରେ ନଜର ଆସିବେ । ତେବେ ମାନୁଷୀ ଏବେ ଡେବ୍ୟୁ ପାଇଁ ବ୍ୟସ୍ତ ଅଛନ୍ତି । ବିଭିନ୍ନ ଆକ୍ଟିଂ ଓ ଡ୍ୟାନ୍ସିଂର କର୍ମଶାଳାରେ ଯୋଗ ଦେଉଛନ୍ତି ।
ତେବେ ଆମୀର ଖାନଙ୍କ ସହ କାମ କରିବାକୁ ମାନୁଷୀଙ୍କ ଇଚ୍ଛା ସବୁବେଳେ ଥିଲା । ମାତ୍ର ଆମୀର ନହେଲେ ନାହିଁ ଅକ୍ଷୟଙ୍କ ସହ ବଲିଉଡ ଡେବ୍ୟୁ କରିବେ । ତେବେ ଏନେଇ ମିସୱାର୍ଲ୍ଡ କୌଣସି ସୂଚନା ଦେଇନାହାଁନ୍ତି ।
