ମୁମ୍ବାଇ: ନୋବେଲ ଶାନ୍ତି ପୁରସ୍କାର ବିଜେତା ମଲାଲା ୟୁସୁଫଜଇଙ୍କ କାହାଣୀକୁ ନେଇ ଆଧାରିତ ଫିଲ୍ମ ‘ଗୁଲ ମକାଇ’ର ନୂଆ ଗୀତ ‘କିତାବ ବାପସ ଦେ ଦୋ’ ରିଲିଜ ହୋଇଯାଇଛି । ଏହି ଗୀତର ମ୍ୟୁଜିକ ଓ ଲିରିକ୍ସ ଶାନଦାର ହୋଇଛି । ଗୀତରେ ଦର୍ଶକ ଫିଲ୍ମର ପୁରା କାହାଣୀର ଝଲକ ଦେଖିବାକୁ ପାଇବେ । ଏଥିରେ ଦେଖିବାକୁ ମିଳୁଛି ଯେ କେମିତି ଆକଙ୍କବାଦୀ ନିଜ ଇଚ୍ଛାକୁ ଜନସାଧାରଣଙ୍କ ଉପରେ ଲଦି ଦେଇଛନ୍ତି । ଯଦି କେହି ପାଳନ ନକରୁଛନ୍ତି ତେବେ ତାଙ୍କର ଗୋଟିଏ ଦଣ୍ଡ ମୃତ୍ୟୁ ।
- " class="align-text-top noRightClick twitterSection" data="">
ଖାଲି ଏତିକି ନୁହେଁ ଗୀତର ଶେଷରେ ଜଣାପଡୁଛି ଯେ କାହିଁକି ଆତଙ୍କବାଦୀ ଝିଅ ମାନଙ୍କ ପାଠ ପଢାର ବିରୋଧ କରୁଛନ୍ତି । କାରଣ ଜଣେ ଝିଅ ପାଠ ପଢିଲେ ତାର ପୁରା ପରିବାର ଶିକ୍ଷିତ ହୋଇଥାଏ । ଯାହା ଆତଙ୍କବାଦୀ ସଂଗଠନକୁ ପସନ୍ଦ ନୁହେଁ । ଗୀତରେ ମଲାଲାଙ୍କ ଭୂମିକାରେ ଅଭିନୟ କରୁଥିବା ରିମ ସେଖଙ୍କ ଶାନଦାର ଅଭିନୟ ଦେଖିବାକୁ ମିଳୁଛି ।
ମଲାଲାଙ୍କ ସାହସୀ ଯାତ୍ରା ଓ ସଂଘର୍ଷମୟ କାହାଣୀକୁ ନେଇ ଆଧାରିତ ‘ଗୁଲ ମକାଇ’ । ଫିଲ୍ମରେ ସ୍ବର୍ଗୀୟ ଅଭିନେତା ଓମ ପୁରୀ, ଦିବ୍ୟା ଦତ୍ତା, ଅତୁଲ କୁଲକର୍ଣ୍ଣୀ, ମୁକେଶ ଋଷି ଓ ପଙ୍କଜ ତ୍ରିପାଠୀ ମୁଖ୍ୟ ଭୂମିକାରେ ଅଭିନୟ କରୁଥିବାର ନଜର ଆସିବେ । ଏମାସ 31ରେ ରିଲିଜ ହେବାକୁ ଯାଉଛି ଫିଲ୍ମ । ସେହିପରି ଓମ ପୁରୀଙ୍କ ଏହା ଶେଷ ଫିଲ୍ମ ଥିଲା ।
