ମୁମ୍ବାଇ: ଶନିବାର 17 ଅକ୍ଟୋବରରେ ଅଭିନେତା ସଞ୍ଜୟ କପୁର ନିଜର 55 ତମ ଜନ୍ମଦିନ ପାଳନ କରୁଛନ୍ତି । ଏହି ବିଶେଷ ଦିନରେ ବହୁ ପ୍ରଶଂସକଙ୍କ ସହ ତାଙ୍କ ବନ୍ଧୁ ଏବଂ ବଲିଉଡ ସେଲିବ୍ରିଟିମାନେ ମଧ୍ୟ ତାଙ୍କୁ ସୋସିଆଲ ମିଡିଆ ମାଧ୍ୟମରେ ଶୁଭେଚ୍ଛା ଜଣାଉଛନ୍ତି ।
ଏହି ଅବସରରେ ମଲାଇକା ଆରୋରା ଏବଂ ଅର୍ଜୁନ କପୁର ମଧ୍ୟ ତାଙ୍କୁ ଖାସ ଅନ୍ଦାଜରେ ବର୍ଥଡେ ଓ୍ବିଶ କରିଛନ୍ତି ।
ମଲାଇକା ଇନଷ୍ଟାଗ୍ରାମରେ ସଞ୍ଜୟଙ୍କ ଫଟୋ ସେୟାର କରି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଫଟୋର କ୍ୟାପସନରେ ମଲାଇକା ଲେଖିଛନ୍ତି, 'ସବୁଠୁ ଛୋଟ ଏବଂ ହ୍ୟାଣ୍ତସମ ଦେଖାଯାଉଥିବା କପୁରଙ୍କୁ ଜନ୍ମଦିନର ଶୁଭେଚ୍ଛା' ।
ଅର୍ଜୁନ ମଧ୍ୟ ଇନଷ୍ଟାଗ୍ରାମରେ ସଞ୍ଜୟଙ୍କ ଫଟୋ ସେୟାର କରି ଲେଖିଛନ୍ତି, ଜନ୍ମଦିନର ଶୁଭେଚ୍ଛା, ଭଗବାନ ଆଶୀର୍ବାଦ କରନ୍ତୁ ତୁମେ ସବୁବେଳେ ଏମିତି ଜୋକ୍ସ କହି ଏହି ଫଟୋ ପରି ହସୁଥାଅ ।
କିଛି ଦିନ ପୂର୍ବରୁ ଅର୍ଜୁନ ଏବଂ ମଲାଇକା ଉଭୟ କୋରୋନା ସଂକ୍ରମିତ ହୋଇଥିଲେ । ଏବେ ଦୁହେଁ କରୋନାଙ୍କୁ ପରାସ୍ତ କରି କାମକୁ ଫେରିଛନ୍ତି ।
ପ୍ରକାଶ ଥାଉ ଯେ, ଅର୍ଜୁନ ଏବଂ ମଲାଇକା ଦୀର୍ଘ ଦିନ ଧରି ପରସ୍ପର ସହ ରିଲେସନସିପରେ ଅଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
