ନୂଆଦିଲ୍ଲୀ: ଆଜିକାଲି ସୋସିଆଲ ମିଡିଆରେ ବଲିଉଡର ଧକ ଧକ ଗର୍ଲ ମାଧୁରୀ ଦୀକ୍ଷିତ ବହୁତ ଆକ୍ଟିଭ ଅଛନ୍ତି । ଏହି ସମୟରେ ମାଧୁରୀ ସୋସିଆଲ ମିଡିଆରେ ପ୍ରତିଦିନ କିଛି ଥ୍ରୋବ୍ୟାକ୍ ଫଟୋ ଏବଂ ଭିଡିଓ ସେୟାର କରି ପ୍ରଶଂସକମାନଙ୍କ ମନୋରଞ୍ଜନ କରୁଛନ୍ତି ।
ବର୍ତ୍ତମାନ କରୋନା ଭାଇରସ୍ ଯୋଗୁଁ ମାଧୁରୀ ନିଜ ପରିବାର ସହିତ ସମୟ କାଟୁଛନ୍ତି ।
ଏହି ଲକଡାଉନ ସମୟରେ ମାଧୁରୀ ଘରେ ଶ୍ରୀଲଙ୍କାନ ଖାଦ୍ୟ ରୋଷେଇ କରୁଥିଲେ ବୋଲି କହିଛନ୍ତି ।
ଗୁରୁବାର ଦିନ, ମାଧୁରୀ ଏକ ଥ୍ରୋ ବ୍ୟାକ୍ ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହି ଫଟୋରେ ମାଧୁରୀ ତାଙ୍କ ପୁରା ପରିବାର ସହିତ ଶ୍ରୀଲଙ୍କାନ ରୋଷେୟାଙ୍କ ସହିତ ଖାଦ୍ୟ ପ୍ରସ୍ତୁତ କରୁଥିବାର ଦେଖିବାକୁ ମିଳିଛି ।
- " class="align-text-top noRightClick twitterSection" data="
">
ଫଟୋର କ୍ୟାପସନରେ ମାଧୁରୀ ଲେଖିଛନ୍ତି, ଗତ ବର୍ଷ ଶ୍ରୀଲଙ୍କାନ କୁକିଙ୍ଗ କ୍ଲାସରେ ଯାହା ଶିଖିଥିଲି, ତାହା ଏହି ଲକଡାଉନ ସମୟରେ ସହାୟକ ହୋଇଛି । ମୁଁ ଘରେ ତାହା ଅଭ୍ୟାସ କରୁଛି । # ଏକ୍ସପ୍ରିୟେନ୍ସ ଓଭର ଥିଙ୍ଗସ ।
ଏପରିକି ମାଧୁରୀ ପ୍ରଂଶସକମାନଙ୍କୁ ପୋଷ୍ଟର କମେଣ୍ଟ ବକ୍ସରେ ସେମାନଙ୍କର ପ୍ରିୟ ଖାଦ୍ୟ ବିଷୟରେ ଉଲ୍ଲେଖ କରିବାକୁ କହିଥିଲେ ।
ପ୍ରକାଶ ଥାଉକି, ମାଧୁରୀ ନିକଟରେ ତାଙ୍କ ଗୀତ 'କ୍ୟାଣ୍ଡେଲ' ରିଲିଜ୍ କରିଥିଲେ । ଯାହା ତାଙ୍କର ଡେବ୍ୟୁ ଗୀତ ଥିଲା । ଏହି ଗୀତଟି ଅଭିନେତ୍ରୀଙ୍କ ପ୍ରଶଂସକଙ୍କ ସମେତ ଅନେକ ବଲିଉଡ ସେଲିବ୍ରିଟିଙ୍କ ଦ୍ୱାରା ପ୍ରଶଂସା କରାଯାଇଥିଲା ।
