ମୁମ୍ବାଇ: ବି-ଟାଉନର ଧକଧକ ଗାର୍ଲ ମାଧୁରୀ ଦୀକ୍ଷିତଙ୍କ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ ସାମ୍ନାକୁ ଆସିଛି । ଯାହାକୁ ଶୁଣି ଖୁସି ହୋଇଯିବେ ପ୍ରଶଂସକ । ‘କଲଙ୍କ’ ଅଭିନେତ୍ରୀ ମାଧୁରୀ ବର୍ତ୍ତମାନ ନିଜର ୟୁଟ୍ୟୁବ ଚ୍ୟାନେଲ ଲଞ୍ଚ କରିଛନ୍ତି ।
ଯାହା ମାଧ୍ୟମରେ ସେ ନିଜ ବ୍ୟକ୍ତିଗତ ଜୀବନ ଝଲକ ନିଜ ପ୍ରଶଂସକଙ୍କ ସହ ସେୟାର କରିବେ । ଏହି ଅବସରରେ ମାଧୁରୀ କହିଛନ୍ତି ଯେ ୟୁଟ୍ୟୁବ ଏକ ଏମିତି ପ୍ଲାଟଫର୍ମ । ଯାହାକୁ ସେ ଦୀର୍ଘ ସମୟରୁ ଏକ୍ସପ୍ଲୋର କରିବାକୁ ଯାଉଥିଲେ ।
ନୂଆ ଏବଂ ମଜାଦାର ରୂପେ ପ୍ରଶଂସକଙ୍କ ସହ ସମ୍ପୃକ୍ତ ରହିବାକୁ ଖୁବ୍ ଭଲ ଲାଗେ । ଆଉ ଯାହା ପାଇଁ ୟୁଟ୍ୟୁବ ଚ୍ୟାନେଲ ଏକ ଶାନଦାର ଚୟନ । ଏହା ଜରିଆରେ ନିଜ ବ୍ୟକ୍ତିଗତ ଜୀବନ ଏବଂ କାମ ବିଷୟରେ ଦର୍ଶକଙ୍କ ସହ ସେୟାର କରିପାରିବେ । ବର୍ତମାନ ଏହାକୁ ନେଇ ସେ ବହୁ ଉତ୍ସାହିତ ଅଛନ୍ତି । ଆଉ ଏକ ଶାନଦାର ଅନୁଭୂତିର ଅପେକ୍ଷାରେ ଅଛି ବୋଲି କହିଛନ୍ତି ମାଧୁରୀ ।
