ମୁମ୍ବାଇ: କରନ ଜୋହରଙ୍କ ଡ୍ରୀମ ପ୍ରୋଜେକ୍ଟ ଫିଲ୍ମ 'କଲଙ୍କ'ର ଟ୍ରେଲର ଏବଂ ଗୀତ ରିଲିଜ ହେଲା ପରେ ଫ୍ୟାନ୍ସ ବର୍ତ୍ତମାନ ଫିଲ୍ମ ଦେଖିବାକୁ ଅପେକ୍ଷା କରିବସିଛନ୍ତି । ଏହି ଫିଲ୍ମରେ ସଞ୍ଜୟ ଦତ୍ତ ପାଖାପାଖି 20 ବର୍ଷ ପରେ ଧକ୍ ଧକ୍ ଗର୍ଲ ମାଧୁରୀ ଦୀକ୍ଷିତଙ୍କ ସହ ନଜର ଆସିବେ । ଫିଲ୍ମଟିକୁ ରିଲିଜ ହେବାକୁ ଆଉ ମାତ୍ରା 5 ଦିନ ଅଛି । ଇତିମଧ୍ୟରେ ମାଧୁରୀ ଫିଲ୍ମ ସେଟରେ ସଞ୍ଜୟଙ୍କ ବ୍ୟବହାରକୁ ନେଇ ଖୁଲାସା କରିଛନ୍ତି । ଏହାସହ ସେ 'କଲଙ୍କ' ସେଟରେ ସଞ୍ଜୟଙ୍କ ସହ କଣ କଥାବାର୍ତ୍ତା କରୁଥିଲେ ତାହା ନେଇ ମଧ୍ୟ ମୁହଁ ଖୋଲିଛନ୍ତି ।
ଫିଲ୍ମ ପ୍ରମୋଶନରେ ବ୍ୟସ୍ତ ଥିବା ମାଧୁରୀ ନିକଟରେ ଏକ ସାକ୍ଷାତକାରରେ ନଜର ଆସିଥିଲେ । ସେହି ସମୟରେ ମାଧୁରୀ କହିଥିଲେ କି ସଞ୍ଜୟ ଓ ସେ ପରସ୍ପରକୁ ବିରକ୍ତ କରିବାକୁ ଖୁବ୍ ପସନ୍ଦ କରନ୍ତି । ଯେତେବେଳେ ସେ ସୁଟିଂ ସାରି ଏକାଠି ବସୁଥିଲେ, ତେବେ ଦୁଇଜଣ ନିଜ ନିଜ ସନ୍ତାନଙ୍କ ଏଜୁକେଶନ ବିଷୟରେ ଆଲୋଚନା କରୁଥିଲୁ । ସଞ୍ଜୟଙ୍କ ସହ କାମ କରିବା ଶାନଦାର ଅନୁଭୂତି ଥିଲା ତାଙ୍କ ପାଇଁ ।
ଏହାସହ ମାଧୁରୀ କହିଥିଲେ କି ସେ ବିନା ସ୍କ୍ରିପ୍ଟ ପଢି ଫିଲ୍ମରେ ଅଭିନୟ କରିବାକୁ ସାଇନ କରିଦେଇଥିଲେ । କାରଣ କରନ ତାଙ୍କର ନିକଟତର ବନ୍ଧୁ ।
ଯଦି 'କଲଙ୍କ' ଫିଲ୍ମ ବିଷୟରେ କଥା ହେବା, ତେବେ ଫିଲ୍ମରେ ଏହି ଦୁଇ ଷ୍ଟାର୍ସଙ୍କ ବ୍ୟତୀତ ବରୁଣ ଧୱନ, ଆଲିୟା ଭଟ୍ଟ, ଆଦିତ୍ୟ ରାୟ କପୁର, ସୋନାକ୍ଷୀ ସିହ୍ନା ମଧ୍ୟ ମୁଖ୍ୟ ଭୂମିକାରେ ନଜର ଆସିବେ ।
