ମୁମ୍ବାଇ: ଫେମସ ଆକ୍ଟର ଆର ମାଧବନଙ୍କ ପୁଅ ବେଦାନ୍ତ ଆଉ ଏକ ଉପଲବ୍ଧି ହାସିଲ କରିଛନ୍ତି । ପରିବାର ଏବଂ ଦେଶର ନାମକୁ ଗର୍ବିତ କରାଇବାରେ ସଫଳ ହୋଇଛନ୍ତି ବେଦାନ୍ତ। ସେ ଏସିଆନ ଏଜ ଗ୍ରୁପ ଚାମ୍ପିୟନଶିପରେ ସିଲଭର ମେଡଲ ଜିତିଛନ୍ତି । ଯାହାକୁ ନେଇ ଖୁସି ପୁରା ପରିବାର । ବେଦାନ୍ତଙ୍କ ଗ୍ରୁପରେ ଆଉ ତିନି ପୁଅ ସାମିଲ ଅଛନ୍ତି । ସେ ଗ୍ରୁପ 4x100ସ ଫ୍ରିଷ୍ଟାଇଲ ସ୍ବିମିଂରେ ପାର୍ଟିସିପେଟ କରିଥିଲେ ।
ଏହି ଅବସରରେ ମାଧବନ ପୁଅ ଏବଂ ତାଙ୍କ ଗ୍ରୁପର ମେଡଲ ଜିତିବା ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । ଯେଉଁଥିରେ ବେଦାନ୍ତ ସମେତ ତାଙ୍କ ଗ୍ରୁପ ପିଲା ନଜର ଆସୁଛନ୍ତି । ଫଟୋକୁ ସେୟାର କରି ମାଧବନ କ୍ୟାପସନରେ ଲେଖିଛନ୍ତି, ‘ଏସିଆନ ଗେମ୍ସରେ ଭାରତକୁ ସିଲଭର ମେଡଲ ମିଳିଛି । ଭଗବାନଙ୍କ ଦୟା, ଭାରତକୁ ରିପ୍ରେଜେଣ୍ଟ କରି ବେଦାନ୍ତଙ୍କୁ ପ୍ରଥମଥର ଅଧିକାରୀ ମେଡାଲ ମିଳିଛି।’
ମାଧବନଙ୍କ ଏହି ପୋଷ୍ଟରେ ଏବେ ତାଙ୍କ ଫ୍ୟାନ୍ସଙ୍କ ଶୁଭେଚ୍ଛା ମିଳିବାରେ ଲାଗିଛି । ପ୍ରକାଶ ଥାଉକି 14 ବର୍ଷିୟ ବେଦାନ୍ତ ସ୍ବିମିଂ କରିବାକୁ ଖୁବ୍ ପସନ୍ଦ କରନ୍ତି । ବର୍ଷ ଥାଇଲ୍ୟାଣ୍ଡରେ ଆୟୋଜିତ ହୋଇଥିବା ଇଣ୍ଟରନ୍ୟାସନାଲ ସ୍ବିମିଂ ପ୍ରତିଯୋଗୀତାରେ ବେଦାନ୍ତ ବ୍ରୋଞ୍ଚ ମେଡାଲ ଜିତିଥିଲେ । ମାଧବନ ଓ ତାଙ୍କ ପତ୍ନୀ ସରିତା ପୁଅର ଉପଲବ୍ଧି ଖୁସି ସୋସିଆଲ ମିଡିଆରେ ସବୁବେଳେ ସେୟାର କରୁଥିବାର ନଜର ଆସିଥାଆନ୍ତି ।
