ମୁମ୍ବାଇ: କୋରୋନା ଲକଡାଉନରେ ବଲିଉଡର ସମସ୍ତ ସେଲିବ୍ରିଟି ନିଜ ଘରେ ରହି ପରିବାର ସହିତ ସମୟ ବିତାଉଛନ୍ତି । ତିନିଥର ଜାତୀୟ ପୁରସ୍କାର ଜିତିଥିବା ଅଭିନେତା ନସିରୁଦ୍ଦିନ ଶାହା ମଧ୍ୟ ନିଜ ପରିବାର ସହ ସମୟ କାଟୁଛନ୍ତି । ଏପରିକି ସେ ୱିଲିୟମ ସେକ୍ସପିୟରଙ୍କ ନାଟକ ପଢୁଛନ୍ତି ।
ନସିରୁଦ୍ଦିନ ଶାହା ଆଇଏଏନଏସକୁ କହିଛନ୍ତି ଯେ, "ମୁଁ ସେହି ଲୋକମାନଙ୍କ ମଧ୍ୟରୁ ଜଣେ, ଯେଉଁମାନେ ଏବେ ଘରେ ଅଛନ୍ତି । ମୁଁ କହିବାକୁ ଚାହେଁ ଯେ, ଏହି ସମୟରେ ଲୋକମାନେ ଘରେ ରହି ମଧ୍ୟ କିଛି ନା କିଛି କାର୍ଯ୍ୟ କରି ନିଜକୁ ପୁରା ଉପଭୋଗ କରିପାରିବେ ।
ସେ ଆହୁରି କହିଥିଲେ ଯେ, ଏଭଳି ପରିସ୍ଥିତିରେ ମୁଁ ଚଳଚ୍ଚିତ୍ର ଦେଖୁଛି, ବହି ପଢୁଛି । ଏହାସହ ମୁଁ ରୋଷେଇ କାର୍ଯ୍ୟରେ ସାହାଯ୍ୟ କରୁଛି । ଏହାସହ ମୁଁ ମୋର ଦୁଇ ପୁଅଙ୍କ ସହିତ ସମୟ ମଧ୍ୟ ବିତାଉଛି ଏବଂ ତାଙ୍କୁ ସେକ୍ସପିୟରଙ୍କ କିଛି ନାଟକ ବିଷୟରେ କହୁଛି ।
ବଲିଉଡର ଭେଟେରିଆନ ଅଭିନେତା ନସିରୁଦ୍ଦିନ ଶାହା ହିନ୍ଦୀ ସିନେମାରେ ତାଙ୍କର ଏକ ବଡ଼ ଅବଦାନ ରହିଛି । ସେ 'ପଦ୍ମଶ୍ରୀ' ଠାରୁ ଆରମ୍ଭ କରି 'ପଦ୍ମଭୂଷଣ' ପୁରସ୍କାର ପର୍ଯ୍ୟନ୍ତ ବହୁ ପୁରସ୍କାର ଜିତିଛନ୍ତି । ବଲିଉଡ ଇଣ୍ଡଷ୍ଟ୍ରିରେ ଆଜି ବି ନସିରୁଦ୍ଦିନ ଶାହାଙ୍କ ନା ସମସ୍ତେ ମନେରଖିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
