ମୁମ୍ବାଇ: ଲୋକପ୍ରିୟ ଅଭିନେତ୍ରୀ କ୍ରିତି ସାନନଙ୍କ ଆଗାମୀ ମଲ୍ଟି ଷ୍ଟାରର ଫିଲ୍ମ ‘ହାଉସଫୁଲଲ 4’ ଆସନ୍ତା କାଲି(ଶୁକ୍ରବାର) ରିଲିଜ ହେବାକୁ ଯାଉଛି । ବର୍ତ୍ତମାନ ଫିଲ୍ମର ପ୍ରମୋଶନରେ ଜୋରସୋ ଲାଗିଛନ୍ତି କ୍ରିତି । ଇତିମଧ୍ୟରେ ତାଙ୍କ ଫ୍ୟାନ୍ସଙ୍କୁ ମିଳିଛି ଗୁଡନ୍ୟୁଜ। ‘ହାଉସଫୁଲ 4’ ରିଲିଜ ହେବା ପୂର୍ବରୁ ତାଙ୍କ ହାତରେ ଲାଗିଛି ଆଉ ଏକ ବଡ ପ୍ରୋଜେକ୍ଟ ।
ଆଜ୍ଞା ହଁ, ଦୀର୍ଘସମୟରୁ କୋରିଓଗ୍ରାଫର, ନିର୍ମାତା ଫରାହ ଖାନଙ୍କ ଅପକମିଂ ଫିଲ୍ମ ‘ସତ୍ତେ ପେ ସତ୍ତା’କୁ ନେଇ ଏକ୍ସାଇଟେଡ ଦର୍ଶକ । ଫିଲ୍ମରେ ସୁପରଷ୍ଟାର ହ୍ରିତିକ ରୋଶନ ଓ ଅନୁଷ୍କା ଶର୍ମା ନଜର ଆସିବେ ବୋଲି ନିକଟରେ ଶୁଣିବାକୁ ମିଳୁଥିଲା । ଆଉ ଏବେ ଶୁଣିବାକୁ ମିଳୁଛି କ୍ରିତି ମଧ୍ୟ ଏହି ଫିଲ୍ମରେ ଏଣ୍ଟ୍ରି କରିବେ । ସେ ଫିଲ୍ମରେ ଅଭିନେତ୍ରୀ ରଞ୍ଜୀତ କୌରଙ୍କ ଭୂମିକାରେ ଅଭିନୟ କରୁଥିବାର ଦେଖାଯିବେ । ଏହି ଖବରର ଚର୍ଚ୍ଚା ଚାଲିଛି କିନ୍ତୁ ଏଯାବତ ଏହାର ଅଧିକାରୀକ ଘୋଷଣା ହୋଇନାହିଁ । କ୍ରିତି ‘ହାଉସଫୁଲ 4’ ବ୍ୟତୀତ ‘ମିମି’ ଏବଂ ‘ପାନିପଥ’ରେ ମଧ୍ୟ ନଜର ଆସିବେ ।
ପ୍ରକାଶ ଥାଉକି ଫରାହଙ୍କ ଏହି ଫିଲ୍ମରେ ପ୍ରଯୋଜନା ଦାୟିତ୍ବ ତୁଲାଇବେ ଆକ୍ସନ ନିର୍ମାତା ରୋହିତ ସେଟ୍ଟୀ । ବିଗ ବି ଅମିତାଭ ବଚ୍ଚନ ଓ ହେମାମାଳିନୀଙ୍କ ଅଭିନୀତ ଫିଲ୍ମ ‘ସତ୍ତେ ପେ ସତ୍ତା’ର ଏହା ରିମେକ ଫିଲ୍ମ ହେବାକୁ ଯାଉଛି । ନିକଟରେ ଫରାହ ଏକ ସାକ୍ଷାତକାରରେ କହିଥିଲେ କି ଦୀପାବଳି ଅବସରରେ ସେ ଫିଲ୍ମର ଘୋଷଣା କରିବେ ।
