ମୁମ୍ବାଇ: ସାଜିଦ ନାଦିୟାୱାଲାଙ୍କ ନିର୍ଦ୍ଦେଶିତ ଫିଲ୍ମ 'କିକ୍' ବର୍ତ୍ତମାନ ଚର୍ଚ୍ଚାରେ । ସଲମାନ ଖାନ ଓ ଜ୍ୟାକଲୀନ ଫର୍ଣ୍ଣାଡେଜଙ୍କ ଅଭିନୀତ ଆକ୍ସନଭରା ଫିଲ୍ମ କିକ ଦର୍ଶକଙ୍କର ଖୁବ ମନୋରଞ୍ଜନ କରିବାରେ ସଫଳ ହୋଇଥିଲା । ଜୁଲାଇ 25ରେ ଏହି ଫିଲ୍ମର ରିଲିଜକୁ 5 ବର୍ଷ ପୂରଣ ହୋଇଛି । ଅନ୍ୟପଟେ ପ୍ରଶଂସକ ଏହି ଦିନକୁ ସେଲିବ୍ରେଶନ କରିବା ପାଇଁ ହ୍ୟାଶ୍ଟ୍ୟାଗ #5Yearsofkick ସୋସିଆଲ ମିଡିୟାରେ ସେୟାର କିରଛନ୍ତି । ଯାହା ବର୍ତ୍ତମାନ ଟ୍ରେଣ୍ଡ ମଧ୍ୟ କରୁଛି ।
ଫିଲ୍ମ 'କିକ' ସହ ସାଜିଦ ନିର୍ଦ୍ଦେଶନା କ୍ଷେତ୍ରରେ ଡେବ୍ୟୁ କରିଥିଲେ । ଏହାପୂର୍ବରୁ ସାଜିଦ 25ରୁ ଅଧିକ ବର୍ଷ ପର୍ଯ୍ୟନ୍ତ ନିର୍ମାତା ରୂପେ ଫିଲ୍ମ ଇଣ୍ଡଷ୍ଟ୍ରିରେ କାମ କରିସାରିଛନ୍ତି ।
2014ରେ ରିଲିଜ ହୋଇଥିବା ସଲମାନଙ୍କ ଏହି ଫିଲ୍ମକୁ ଦର୍ଶକ ଖୁବ୍ ପସନ୍ଦ କରିଥିଲେ । ଇତିମଧ୍ୟରେ ଶୁଣିବାକୁ ମିଳୁଛି ଖୁବଶୀଘ୍ର ଦର୍ଶକ 'କିକ' ଫିଲ୍ମର ସିକ୍ବେଲ୍ ଦେଖିବେ । କାରଣ 'କିକ' ଫିଲ୍ମର ସିକ୍ବେଲ ତିଆରି କରିବାକୁ ଯୋଜନା କରୁଛନ୍ତି ଫିଲ୍ମ ମେକର୍ସ । ଖାଲି ଏତିକି ନୁହେଁ ସଲମାନ ଓ ସାଜିଦ ଫିଲ୍ମ ସିକ୍ବେଲ ପାଇଁ ପ୍ଲାନିଂ ମଧ୍ୟ ଆରମ୍ଭ କରିଦେଇଛନ୍ତି । ଯାହାର ସୁଟିଂ ଆସନ୍ତା ବର୍ଷ ଆରମ୍ଭ ହେବ ବୋଲି ଖବର ଜୋର ଧରିଛି ।
