ମୁମ୍ବାଇ: କିଛି ଦିନ ହେବ ଅକ୍ଷୟ କୁମାର ନିଜର ଆଗାମୀ ଫିଲ୍ମ 'ଗୁଡନ୍ୟୁଜ' ସୁଟିଂରେ ଖୁବ୍ ବ୍ୟସ୍ତ ଅଛନ୍ତି । ଫିଲ୍ମରେ ତାଙ୍କ ସହ ମୁଖ୍ୟ ଭୂମିକାରେ କରୀନା କପୁର, ଦିଲଜିତ ଦୋସାଞ୍ଜ ଓ କାୟରା ଆଡଭାନୀ ମଧ୍ୟ ନଜର ଆସିବେ । ଫିଲ୍ମଟି ଦୀର୍ଘ ସମୟରୁ ଚର୍ଚ୍ଚାରେ ରହିଆସୁଛି । କାରଣ ଫିଲ୍ମରେ ଦର୍ଶକ ପୁଣି ଅକ୍ଷୟ ଓ କରୀନାଙ୍କ ରୋମାନ୍ସ ଦେଖିବେ । ଏହାସହ ନୂଆ ଯୋଡି ଦିଲଜିତ ଓ କାୟରାଙ୍କୁ ମଧ୍ୟ ଦେଖିବାକୁ ପାଇବେ ଦର୍ଶକ । ଫିଲ୍ମର ସୁଟିଂ ନିକଟରେ ଆରମ୍ଭ ହୋଇଯାଇଛି । ଯାହାର ଫାଷ୍ଟ ଲୁକ କାୟରା ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ।
ଫିଲ୍ମ ସୁଟିଂ ସମୟରେ କ୍ଲିକ କରାଯାଇଥିବା ଫଟୋ ସେୟାର କରି କାୟରା କ୍ୟାପସନରେ ଲେଖିଛନ୍ତି, "ଆପଣଙ୍କ ପାଇଁ ଖୁବ୍ ଶୀଘ୍ର ଗୁଡନ୍ୟୁଜ ନେଇ ଆସିବୁ"। ସେପଟେ ଦିଲଜିତ ମଧ୍ୟ ଏହି ଫଟୋକୁ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ।
- " class="align-text-top noRightClick twitterSection" data="
">
ଜଣାଇ ଦେଉଛୁ ଯେ, ଏହା ଏକ କମେଡି ଫ୍ୟାମିଲି ଡ୍ରାମା ଫିଲ୍ମ । ଫିଲ୍ମରେ ଏମିତି ଯୋଡିଙ୍କ କାହାଣୀ ଦେଖିବାକୁ ମିଳିବ ଯିଏ ବିବାହ ପରେ ମଧ୍ୟ ପିତା ମାତା ହୋଇପାରୁନାହାଁନ୍ତି ।
'ଗୁଡନ୍ୟୁଜ' ବ୍ୟତୀତ ଅକ୍ଷୟ ଆଉ ଏକ ଫିଲ୍ମରେ ମଧ୍ୟ ବ୍ୟସ୍ତ ଅଛନ୍ତି । ସେ 'ମିଶନ ମଙ୍ଗଲ' ଫିଲ୍ମରେ କାମ କରୁଛନ୍ତି । ଯଦି କାୟରାଙ୍କ କଥା କହିବା ତେବେ ସେ ମଧ୍ୟ ଅଭିନେତା ଶାହିଦ କପୁରଙ୍କ ସହ ବହୁ ଚର୍ଚ୍ଚିତ ଫିଲ୍ମ 'କବୀର ସିଂହ'ର ନଜର ଆସିବେ। ଯାହା ସୁପରହିଟ୍ ତେଲୁଗୁ ଫିଲ୍ମ 'ଅର୍ଜୁନ ରେଡ୍ଡୀ'ର ହିନ୍ଦୀ ରିମେକ । 'ଗୁଡନ୍ୟୁଜ'ର ପ୍ରଯୋଜନା ଦାୟିତ୍ୱ କରନ ଜୋହର ସମ୍ଭାଳିଥିବା ବେଳେ ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ରାଜ ମେହଟ୍ଟା ।
