ମୁମ୍ବାଇ: ବର୍ତ୍ତମାନ ସଲମାନଙ୍କ ସହ ଫିଲ୍ମ ଭାରତର ପ୍ରମଶୋନରେ ବ୍ୟସ୍ତ କ୍ୟାଟ୍ରିନା କୈଫ । ତେବେ ନିକଟରେ କ୍ୟାଟଙ୍କ ଏକ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଏହି ଫଟୋରେ ସେ ନିଜ ଡାଏଲଗ୍କୁ ରଟ୍ଟା ମାରୁଥିବାର ନଜର ଆସିଛନ୍ତି ।
ଏହି ଭିଡିଓରେ କ୍ୟାଟ୍ରିନା ତଳେ ବସି ନିଜ ଡାଏଲଗକୁ ଘୋଷୁଛନ୍ତି । ଏଥିରେ ସେ ନିଜ କାମକୁ ନେଇ ଖୁବ୍ ଗମ୍ଭୀର ଦେଖାଯାଉଛନ୍ତି । ତେବେ ଏହି ଭିଡିଓକୁ କ୍ୟାଟ ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ଶେୟାର କରିବା ସହ ଲେଖିଛନ୍ତି , ''ହ୍ୟାଲୋ, ଉଡତେ ହୁଏ ବାଲୋ କେ ସାଥ୍ , ଦୋ କବୁତର ଦେଖେ ପିଛେ'' । ଏହି ଭିଡିଓରେ କ୍ୟାଟଙ୍କ ପଛରେ ଦୁଇଟି ପାରା ବସିଥିବାର ନଜର ଆସୁଛନ୍ତି ।
ଏଠାରେ ସୂଚନାଯୋଗ୍ୟ, ସଲମାନଙ୍କ ସହ କ୍ୟାଟଙ୍କ ଷଷ୍ଠ ଫିଲ୍ମ ହେଉଛି ଭାରତ । ଏହା ପୂର୍ବରୁ ଉଭୟ ବ୍ଲକବଷ୍ଟର ଫିଲ୍ମ ଦେଇସାରିଛନ୍ତି । ଯାହା ବକ୍ସ ଅଫିସରେ ଜବରଦସ୍ତ ଆୟ ମଧ୍ୟ କରିଛି ।
