ମୁମ୍ବାଇ: ଖିଲାଡୀ କୁମାର ଓ ଆକ୍ସନ ନିର୍ଦ୍ଦେଶ ରୋହିତ ସେଟ୍ଟୀ ପ୍ରଥମଥର ଫିଲ୍ମ 'ସୂର୍ଯ୍ୟବଂଶୀ'ରେ ଏକାଠି କାମ କରୁଥିବାର ନଜର ଆସିବେ । ଫିଲ୍ମ 'ସୂର୍ଯ୍ୟବଂଶୀ'ର ମୁଖ୍ୟ ଅଭିନେତା ଫାଇନାଲ ହେଲା ପରେ ଏଯାବତ ମୁଖ୍ୟ ଅଭିନେତ୍ରୀଙ୍କୁ ନେଇ ସସପେନ୍ସରହିଛି । କିନ୍ତୁ ଅକ୍ଷୟଙ୍କ କହିବା ଅନୁଯାୟୀ ରୋହିତ ଫିଲ୍ମରେ ପପୁଲାର ଅଭିନେତ୍ରୀ କ୍ୟାଟ୍ରିନା କୈଫକୁ ଫାଇନାଲ କରିଥିଲେ ।
ଖୁବ୍ ଶୀଘ୍ର ତାଙ୍କ ନାମରେ ଅଧିକାରୀକ ଘୋଷଣା ହେବ । କିନ୍ତୁ ଏବେ ମାମଲା କିଛି ଭିନ୍ନ ସାମ୍ନାକୁ ଆସିଛି । କୁହାଯାଇଛି ଯେ କ୍ୟାଟ୍ରିନା ଫିଲ୍ମରେ କାମ କରିବାକୁ ମନା କରିଦେଇଛନ୍ତି । ଖାଲି ଏତିକି ନୁହେଁ, ସଲମାନ ଖାନଙ୍କ ପାଇଁ ଏମିତି କ୍ୟାଟ କରିଛନ୍ତି ବୋଲି ଶୁଣିବାକୁ ମିଳୁଛି ।
କ୍ୟାଟ ଏବେ ରୋହିତଙ୍କ 'ସୂର୍ଯ୍ୟବଂଶୀ' ସାଇନ କରିବେ ନାହିଁ । କାରଣ ଅକ୍ଷୟଙ୍କ ଏହି ଫିଲ୍ମ ଆସନ୍ତା ବର୍ଷ ଇଦରେ ରିଲିଜ ହେବ । ସେହିଦିନ ସଲମାନ ଓ ଆଲିୟା ଭଟ୍ଟଙ୍କ ଫିଲ୍ମ 'ଇଂଶାଅଲ୍ଲାହ' ମଧ୍ୟ ରିଲିଜ ହେବ । ସମସ୍ତଙ୍କୁ ଏହା ଜଣାଅଛି ଯେ ସଲମାନ ଓ କ୍ୟାଟଙ୍କ କିପରି ସମ୍ପର୍କ ରହିଛି । ତେଣୁ କ୍ୟାଟ କେବେ ମଧ୍ୟ ଏହି ଫିଲ୍ମ ସାଇନ କରିବେ ନାହିଁ, ଯାହା ପାଇଁ ତାଙ୍କୁ ସଲମାନଙ୍କ ସାମ୍ନାରେ ଠିଆ ହେବାକୁ ପଡିବ ।
ଯଦି ଫିଲ୍ମ 'ସୂର୍ଯ୍ୟବଂଶୀ' ବିଷୟରେ କଥା ହେବା ତେବେ ଫିଲ୍ମର ସୁଟିଂ ଆରମ୍ଭ ହୋଇସାରିଲାଣି । ଯେଉଁଥିରେ ଅକ୍ଷୟଙ୍କ ଜବରଦସ୍ତ ଆକ୍ସନ ଦେଖିବାକୁ ମିଳିବ । ଫିଲ୍ମର ଦୁଇଟି ପୋଷ୍ଟର କିଛି ଦିନ ପୂର୍ବରୁ ରିଲିଜ ହୋଇଥିଲା । ପୋଷ୍ଟରରେ ଅକ୍ଷୟ ଆକ୍ସନ ଅନ୍ଦାଜରେ ନଜର ଆସିଥିଲେ ।
