ହାଇଦ୍ରାବାଦ: ବଲିଉଡର ହ୍ୟାଣ୍ଡସମ ହିରୋ କାର୍ତ୍ତିକ ଆର୍ଯ୍ୟନ ଗୋଟେ ପରେ ଗୋଟେ ହିଟ ଫିଲ୍ମ ଦେଇ ଆସୁଛନ୍ତି । ବର୍ତ୍ତମାନ କାର୍ତ୍ତିକ, ସୈଫ ଅଲ୍ଲୀ ଖାନଙ୍କ ଫିଲ୍ମ ‘ଲଭ ଆଜ କଲ’ର ସିକ୍ବେଲର ସୁଟିଂରେ ବ୍ୟସ୍ତ ଅଛନ୍ତି ।
ତେବେ ଏକ ନୂଆ ଖବର ସାମ୍ନାକୁ ଆସିଛି । ଅକ୍ଷୟ କୁମାରଙ୍କ ଫିଲ୍ମ ‘ଭୁଲ ଭୁଲୈୟା’ର ସିକ୍ବେଲ ଖୁବ ଶୀଘ୍ର ଆସିବାକୁ ଯାଉଛି । ଏଥିରେ ଅକ୍ଷୟଙ୍କ ସହ କାର୍ତ୍ତିକ ଆରୟନଙ୍କୁ ଦେଖିବାକୁ ମିଳିବ । ତେବେ ଏନେଇ କୌଣସି ଘୋଷଣା କରାଯାଇନାହିଁ ।
ରିପୋର୍ଟ ଅନୁସାରେ, କିଛିଦିନ ତଳେ ଫିଲ୍ମ ନିର୍ମାତାଙ୍କୁ କାର୍ତ୍ତିକ ଦେଖା କରିଥିଲେ ଓ ଫିଲ୍ମର ଆଇଡିଆ କାର୍ତ୍ତିକଙ୍କୁ ପସନ୍ଦ ଆସିଥିଲା । ପ୍ରକାଶ ଥାଉକି, କାର୍ତ୍ତିକ ଶେଷଥର ଫିଲ୍ମ ‘ଲୁକାଛୁପି’ରେ ନଜର ଆସିଥିଲେ ।
