ମୁମ୍ବାଇ: ଖୁବଶୀଘ୍ର ବଲିଉଡର ପପୁଲାର ଆୱାର୍ଡ ଶୋ ଆଇଫା 2020 ଭୋପାଳରେ ଆୟୋଜିତ ହେବାକୁ ଯାଉଛି। ଏବର୍ଷ ଆଇଫାର ହୋଷ୍ଟିଂ ସୁପରଷ୍ଟାର ସଲମାନ ଖାନ ଓ ରିତେଶ ଦେଶମୁଖ କରିବେ । ବୁଧବାର ସନ୍ଧ୍ୟାରେ ଏହି ଇଭେଣ୍ଟର ଏକ ପ୍ରେସ କନଫ୍ରେନ୍ସ ମୁମ୍ବାଇରେ ରଖାଯାଇଥିଲା । ଯାହାର ଅନେକ ଫଟୋ, ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳୁଛି। ଏହି କନଫ୍ରେନ୍ସରେ ସବୁଠୁ ଅଧିକା ଚର୍ଚ୍ଚା ସେକ୍ସୀ ଅଭିନେତ୍ରୀ କ୍ୟାଟ୍ରିନା କୈଫ ଓ କ୍ୟୁଟ ଆକ୍ଟର କାର୍ତ୍ତିକ ଆର୍ୟନଙ୍କର ହୋଇଥିଲା।
- " class="align-text-top noRightClick twitterSection" data="
">
ଆଜ୍ଞା ହଁ, ପ୍ରେସ କନଫ୍ରେନ୍ସରେ ଏମିତି କିଛି ହୋଇଥିଲା। ଯାହା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ ସମସ୍ତେ। କାର୍ତ୍ତିକ, କ୍ୟାଟଙ୍କ ପାଦ ଛୁଇଁ କ୍ଷମା ମାଗୁଥିବାର ନଜର ଆସିଥିଲେ। କାରଣ କନଫ୍ରେନ୍ସରେ କାର୍ତ୍ତିକ ନିର୍ଦ୍ଧାରିତ ସମୟଠୁ ଖୁବ୍ ବିଳମ୍ବରେ ପହଞ୍ଚିଥିଲେ। ଯାହାପାଇଁ ସେ କ୍ୟାଟକୁ କ୍ଷମା ମାଗିଥିଲେ।
ବିଳମ୍ବରେ ଆସିବାରୁ କ୍ୟାଟ ମଧ୍ୟ କାର୍ତ୍ତିକଙ୍କ ସହ ମଜାମସ୍ତି କରିଥିଲେ । ଆଉ କହିଥିଲେ ତୁମ ବିଳମ୍ବରେ ଆସିଥିବାରୁ ପ୍ରଥମେ ସମସ୍ତଙ୍କୁ କ୍ଷମା ମାଗ । ତାଙ୍କ ଏକଥା ଶୁଣି କାର୍ତ୍ତିକ ହସି ହସି ମଞ୍ଚ ଉପରକୁ ଆସି ପ୍ରଥମେ ତାଙ୍କ ପାଦ ଛୁଇଁ ନିଜ କାନ ଧରିଥିଲେ। ଯାହାପରେ ସେଠାରେ ଉପସ୍ଥିତ ଥିବା ପୁରା ମିଡିଆ ଖୁବ୍ ହସିଥିଲେ ।
ପ୍ରକାଶ ଥାଉକି ଏଥର ସୁପରଷ୍ଟାର ଶାହରୁଖ ଖାନ, ହ୍ରିତିକ ରୋଶନ, ଜ୍ୟାକଲୀନ ଫର୍ଣ୍ଣାଡେଜ, କରୀନା କପୁର ଖାନ ଓ କ୍ୟାଟ୍ରିନା, କାର୍ତ୍ତିକ ଭଳି ଅନେକ କଳାକାର ଆଇଫା ଆୱାର୍ଡ୍ସ 2020ର ମଞ୍ଚ ଉପରେ ପରଫର୍ମନ୍ସ କରିବେ । ମୁମ୍ବାଇରେ ଆୟୋଜିତ ହୋଇଯାଇଥିବା ପ୍ରେସ କନଫ୍ରେନ୍ସରେ ଏହି କଥାର ଘୋଷଣା କରାଯାଇଥିଲା ।
