ହାଇଦ୍ରାବାଦ: ପରଦାକୁ ଆସିବ ଦୋସ୍ତାନାର ସ୍ବିକେଲ । କରନ ଜୋହର ଖୁବ ଶୀଘ୍ର ଏହାର ସୁଟିଂ ଆରମ୍ଭ କରିବେ । ତେବେ ଏହା ପୂର୍ବରୁ ଫିଲ୍ମର କାଷ୍ଟକୁ ନେଇ ଏବେ ଚର୍ଚ୍ଚା । ସାରାଙ୍କ ପରେ କାର୍ତ୍ତିକଙ୍କ ସହ ନଜର ଆସିବେ ଶ୍ରୀଦେବୀ କନ୍ୟା ଜାହ୍ନବୀ କପୁର ।
2008ର ଏହି କମେଡି ଡ୍ରାମା ଫିଲ୍ମରେ ମୁଖ୍ୟ ଭୁମିକାରେ ପ୍ରିୟଙ୍କା ଚୋପ୍ରା, ଜନ ଆବ୍ରାହମ, ଅଭିଷେକ ବଚ୍ଚନଙ୍କୁ ଦେଖିବାକୁ ମିଳିଥିଲା । ତେବେ କେତେକ ଏହାକୁ ଆକ୍ଷେପ କରିବା ସହ ଅନେକ ପସନ୍ଦ ମଧ୍ୟ କରିଥିଲେ । ଫିଲ୍ମର କାହାଣୀ ଲେଖିଛନ୍ତି ନଭଜ୍ୟୋତ ଗୁଲାଟି, ସୁମିତ ଅରୋରା, ରିଶବ ଶର୍ମା ଓ କୋଲିନ ଡି କୁହ୍ନା । ଏହାକୁ ନିର୍ଦ୍ଦେଶନା ଦେବେ କୋଲିନ ।
ପ୍ରକାଶଥାଉକି, ଦୋସ୍ତାନା ବ୍ୟତୀତ କାର୍ତ୍ତିକ ‘ଲଭ ଆଜ କଲ-2’ଓ ‘ପତି ପତ୍ନୀ ଅର ଔ’ରେ ମଧ୍ୟ ନଜର ଆସିବେ । ତେବେ କାର୍ତ୍ତିକ ଏବେ ସାରାଙ୍କ ‘ଲଭ ଆଜ କଲ-2’ର ସୁଟିଂ କରିବା ସହ ଆଉଟିଂର ମଧ୍ୟ ମଜା ନେଉଛନ୍ତି । ଅନ୍ୟପକ୍ଷେ ଜାହ୍ନବୀ ବର୍ତ୍ତମାନ ଗୁଞ୍ଜନ ସକ୍ସେନାଙ୍କ ବାଓପିକରେ କାମ କରୁଛନ୍ତି ।
