ନୂଆଦିଲ୍ଲୀ: ବଲିଉଡରେ ଫିଲ୍ମ 'କେଦାରନାଥ' ଜରିଆରେ ଶାନଦାର ଡେବ୍ୟୁ କରିଥିବା ପପୁଲାର ଷ୍ଟାର କିଡ ସାରା ଅଲ୍ଲୀ ଖାନ ଆସିବା ମାତ୍ରେ ହଜାର ହଜାର ଦର୍ଶକଙ୍କ ହୃଦୟ ଜତିବାରେ ସଫଳ ହୋଇପାରିଛନ୍ତି । ସୋସିଆଲ ମିଡିଆରୁ ନେଇ ଇଣ୍ଟରଭ୍ୟୁଜ, ଚାର୍ଟ ଶୋଜ ଆଉ ନିଜ ଫିଲ୍ମ ପ୍ରମୋଶନ ଜରିଆରେ ସବୁ ସ୍ଥାନରେ ସାରା ଛାଇ ରହିଆସୁଛନ୍ତି । ନିକଟରେ ଆୟୋଜିତ ହୋଇଥିବା ଫିଲ୍ମଫେୟାର ଆୱାର୍ଡରେ ସାରାଙ୍କୁ ବେଷ୍ଟ ଡେବ୍ୟୁ ଆୱାର୍ଡରେ ସମ୍ମାନିତ କରାଯାଇଛି ।
ଏହି ଅବସରରେସେ ନିଜ ଫ୍ୟାମିଲି ସହ ଏହାକୁ ଖୁବ୍ ଧୁମଧାମରେ ସେଲିବ୍ରେଶନ କରିଥିଲେ । ସେ ନିଜ ସୋସିଆଲ ମିଡିଆ ଆକାଉଣ୍ଟରେ ବ୍ଲାକ ଲେଡୀ ସହ ନିଜର ଏକ ଫଟୋ ସେୟାର କରିଛନ୍ତି । ଏଥିରେ ସବୁଠାରୁ ମଜାଦାର କଥା ହେଲା ଅଭିନେତା କାର୍ତ୍ତିକ ଆର୍ୟନଙ୍କ କମେଣ୍ଟ ।
କାର୍ତ୍ତିକ, ସାରାଙ୍କୁ ୱିଶ କରି କମେଣ୍ଟରେ ଲେଖିଛନ୍ତି, "ଏବେ କଫିରେ ଆଉ କାମ ଚଳିବ ନାହିଁ । ଦିଲ୍ଲୀରେ ପାର୍ଟି ଦେବାକୁ ପଡିବ ।"
ପ୍ରକାଶ ଥାଉକି କିଛି ଦିନ ହେବ ଦୁଇଜଣଙ୍କୁ ନେଇ ଫ୍ୟାନ୍ସଙ୍କ ମଧ୍ୟରେ ଖୁବ୍ ଚର୍ଚ୍ଚା ଚାଲିଛି । ଶୁଣିବାକୁ ମିଳୁଛି ଯେ ଦୁଇଜଣ ପରସ୍ପରକୁ ଡେଟ କରୁଛନ୍ତି ବୋଲି । କିନ୍ତୁ ଏହା କେତେ ଦୂର ସତ ତାହା କାହାରିକୁ ଜଣାନାହିଁ । ଅନ୍ୟପଟେ ଦୁଇଜଣ ଲୋକପ୍ରିୟ ନିର୍ଦ୍ଦେଶକ ଇମତିଆଜ ଅଲ୍ଲୀଙ୍କ ସପୁରହିଟ୍ ଫିଲ୍ମ 'ଲଭ ଆଜ କଲ' ଫିଲ୍ମର ସିକ୍ବେଲ ଫିଲ୍ମ 'ଲଭ ଆଜ କଲ-2'ରେ ଏକାଠି ନଜର ଆସିବେ ।
ଯାହାକୁ ନେଇ ଏବେଠାରୁ ଦର୍ଶକଙ୍କ ମଧ୍ୟରେ ଖୁବ୍ କ୍ରେଜ ଦେଖିବାକୁ ମିଳୁଛି । କାରଣ ଦୁଇଜଣଙ୍କ ଚର୍ଚ୍ଚା ହେବା ପରଠାରୁ ଫ୍ୟାନ୍ସଙ୍କ ବଡ ପରଦାରେ କାର୍ତ୍ତିକ ଓ ସାରାଙ୍କୁ ଦେଖିବାକୁ ଖୁବ୍ ଉତ୍ସାହିତ ଅଛନ୍ତି ।
