ନୂଆଦିଲ୍ଲୀ : ଦେଶରେ ଆରମ୍ଭ ହୋଇଯାଇଛି ତୃତୀୟ ଟୀକାକରଣ ପ୍ରକ୍ରିୟା । ଯେଉଁଥିରେ 18 ବର୍ଷରୁ ଉର୍ଦ୍ଧ୍ବ ଲୋକେ ନେଇପାରିବେ ଟିକା । ଗତ 1 ତାରିଖରେ ଆରମ୍ଭ ହୋଇଥିବା ଏହି ପ୍ରକ୍ରିୟାରେ ଜନସାଧାରଣଙ୍କ ଠୁ ନେଇ ସେଲିବ୍ରିଟି ଟିକା ନେଉଥିବାର ନଜର ଆସୁଛନ୍ତି । ଏହି କ୍ରମରେ ସାମିଲ ହୋଇଛନ୍ତି ଅଭିନେତା କାର୍ତ୍ତିକ ଆର୍ୟାନ । ଯାହାର ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
ଏହି ଫଟୋରେ କାର୍ତ୍ତିକ ନାଲି ରଙ୍ଗର ଟି-ସାର୍ଟ ସହିତ ନୀଳ ରଙ୍ଗର ଟ୍ରାଉଜର ସହିତ କ୍ୟାପ୍ ଏବଂ ମାସ୍କ ପିନ୍ଧିଥିବାର ନଜର ଆସିଛନ୍ତି । ଏହି ଫଟୋଗୁଡ଼ିକରେ ସେ କୋଭିଡ -19 ପ୍ରୋଟୋକଲ ଫଲୋ କରୁଥିବାର ଦେଖିବାକୁ ମିଳିଛି ।
କାର୍ତ୍ତିକଙ୍କ ପୂର୍ବରୁ ଅଭିନେତା ପୁଲକିତ ସମ୍ରାଟ ଓ ରାଧିକା ମଦାନ ମଧ୍ୟ ଟୀକାର ପ୍ରଥମ ଡୋଜ ନେଇସାରିଛନ୍ତି ।
ପ୍ରକାଶ ଥାଉ ଯେ, ଆଗାମୀ ସମୟରେ କାର୍ତ୍ତିକ ହରର-କମେଡି ଚଳଚ୍ଚିତ୍ର ଭୂଲ୍ ଭୂଲେୟା- 2 ରେ ନଜର ଆସିବେ । ତାଙ୍କୁ ଏହି ଚଳଚ୍ଚିତ୍ରରେ ଅଭିନେତ୍ରୀ କିଆରା ଆଡଭାନୀ, ପରେଶ ରାୱଲ, ରାଜପାଲ ୟାଦବଙ୍କ ସହ ଦେଖିବାକୁ ମିଳିବ।
